Ler nou pe lir Labib, nou kapab servi bann zouti pour etidye pour ed nou konpran pli byen sa ki nou pe lir. Me nou pa zis anvi aprann plis konsernan Labib. Nou osi anvi trouv bann perl spirityel konsernan Zeova ki pou ed nou kontan li plis. Pour fer sa, nou kapab demann nou lekor: ‘Ki sa resi dan Labib i ansenny mwan konsernan Zeova?’

Par egzanp, nou kapab rod plis lenformasyon konsernan lafason ki Zeova in demontre lanmour, lasazes, lazistis ek pwisans. Me Zeova i annan lezot zoli kalite. Kote ki ou kapab trouv lenformasyon konsernan son bann kalite?

Dan Watch Tower Publications Index an Angle, i annan en lalis plis ki 50 lezot kalite ki Zeova i annan. Get anba “Jehovah” e apre soutit “Qualities by Name.” Fer resers konsernan bann kalite ki relye avek sa resi ki ou pe lir. (Si ou annan akse zis avek Liv resers pour Temwen Zeova, get anba topik “Bondye Zeova” e apre soutit “Bann kalite Zeova.”)