Laverite lo Rwayonm Bondye
Zezi ti ansenny son bann disip pour priye: “Nou Papa ki dan lesyel, ki ou non i ganny sanktifye. Ki ou Rwayonm i vini. Ki ou lavolonte i ganny fer lo later parey dan lesyel.” (Matye 6:9, 10) Kisisa Rwayonm Bondye? Ki sa Rwayonm i fer? Akoz nou devret priye ki Rwayonm vini?
Zezi i Lerwa dan Rwayonm Bondye.
Lik 1:31-33: “Ou devret apel li Zezi. Sa zanfan pou remarkab e i pou ganny apele Garson sa Enn Tre O e Bondye Zeova pou donn li tronn son papa David. I pou Lerwa bann desandans Zakob pour touzour e i pou napa en lafen avek son Rwayonm.”
Rwayonm ti sa tenm prensipal ki Zezi ti koz lo la.
Matye 9:35: “Zezi ti al dan tou lavil ek vilaz, i ti ansenny zot dan bann sinagog, anons sa bon nouvel lo Rwayonm e i ti geri dimoun ki ti annan tou sort maladi ek tou sort problenm lasante.”
Zezi ti donn son bann disip en siny pour ed zot konnen kan Rwayonm ti pou vini.
Matye 24:7: “Parski nasyon pou lager kont nasyon e rwayonm kont rwayonm, i pou annan mankman manze ek tranblemandter dan en landrwa apre lot.”
Konmela bann disip Zezi i pres lo sa Rwayonm partou lo later.
Matye 24:14: “Sa bon nouvel Rwayonm pou ganny anonse partou lo later pour donn en temwannyaz avek tou nasyon e apre sa, lafen pou arive.”
Ou pou kapab kontan sa osi
ESSENTIAL BIBLE TEACHINGS
Kisisa Rwayonm Bondye?
Ler Zezi ti lo later, i ti koz lo Rwayonm Bondye plis ki lezot size. Pour plizyer syek, son bann disip in priye pour ki sa Rwayonm i vini.
LABIB—KI SON MESAZ?
Zezi i ansenny lo Rwayonm Bondye
Ki ti tenm sa mesaz ki Zezi ti anonse? Ki mannyer i ti montre ki son renny ti pou baze lo lanmour ek lazistis?
