Akoz dimoun nepli annan respe pour zot prop lekor?
AKOZ I ENPORTAN POUR ANNAN RESPE POUR OU PROP LEKOR
Dimoun ki annan respe pour zot prop lekor i kapab fer fas avek bann difikilte dan lavi avek konfidans. Zot pa fasilman abandonnen.
-
Resers i montre ki bann dimoun ki pa mazin byen lo zot prop lekor i kapab enkyet, ganny depresyon ek eating disorder. Zot annan plis sans pour abiz lalkol ek drog.
-
Dimoun ki annan respe pour zot prop lekor i evite konpar zot avek lezot. Sa i fer li fasil pour zot annan en bon lanmitye avek dimoun otour zot e zot annan bann bon zanmi. De lot kote, bann ki napa bokou respe pour zot prop lekor zot tant pour kritike. Sa i kapab gat lanmitye avek lezot.
-
Menm ler zot pas dan problenm, dimoun ki annan respe pour zot prop lekor i reste for. Zot pa les bann dezapwentman anpes zot atenn zot lobzektif. De lot kote, bann ki napa bokou respe pour zot prop lekor i vwar bann pti problenm konman bann gro problenm. Sa i kapab fer zot fasilman abandonnen.
SA KI OU KAPAB FER
Swazir bann zanmi ki pou ankouraz ou. Frekant bann dimoun ki annan respe pour lezot, ki vreman enterese avek ou byennet e ki pou ankouraz ou.
Ed lezot. Ler ou annan labonte e fer keksoz pour lezot enkli bann ki pa kapab fer nanryen pour ou an retour, ou pou ganny vre lazwa. Ou pou ere menm si lezot pa vwar sa ki ou’n fer.
Ed ou zanfan pou aprann annan respe pour son prop lekor. En fason pour fer sa i ler ou les zot rezourd zot bann problenm ki mannyer zot kapab. Sa i ed bann zanfan aprann ki mannyer pour sirmont oubyen rezourd bann problenm. Ler zot aprann fer sa, zot pou annan plis respe pour zot prop lekor la konmela e ler zot grandi.
SA KI TEMWEN ZEOVA PE FER
Bann renyon ek progranm letid Labib Temwen Zeova i ed bann dimoun amelyor zot lavi e ed zot annan respe pour zot prop lekor.
NOU BANN RENYON LASEMENN
Dan nou bann renyon lasemenn, nou kontan ekout bann diskour baze lo Labib ki souvan enkli bann sizesyon lo ki mannyer pour annan respe pour nou prop lekor. Nou bann renyon i gratwit e tou dimoun i kapab asiste. Par egzanp, dan nou bann renyon ou pou aprann . . .
-
akoz ou enportan pour Bondye
-
ki mannyer pour konn vre bi lavi
-
ki mannyer pour annan bann bon lanmitye avek lezot
Ou pou rankontre bann vre zanmi ki “enterese avek kanmarad.”—1 Korentyen 12:25, 26.
Pour aprann plis konsernan nou bann renyon, rod sa pti video Kwa ki pase dan Lasal Rwayonm? lo jw.org
NOU PROGRANM LETID LABIB
Nou servi sa liv Viv ere pour touzour! pour ofer en letid Labib enteraktif e i gratwit. Dan sa liv i annan bann verse Labib enportan, bann rezonnman kler, bann kestyon efikas, bann video ki pou motiv ou ek bann zoli portre. Nou progranm letid Labib i ed dimoun annan respe pour zot prop lekor e pour amelyor zot lavi.
Pour vwar ki mannyer etidye Labib avek Temwen Zeova i kapab benefisye ou, rod sa pti video Akoz i bon etidye Labib? lo jw.org
Ou pou kapab kontan sa osi
LAREPONS SORTI DAN LABIB
Ki Labib i dir lo kontan ou prop lekor?
Zezi ti dir: “Ou devret kontan ou prosen parey ou kontan ou prop lekor.” Ki i ti pe esey dir?
KONSERNAN NOU
Eski ou ti a kontan en vizit?
Diskit en kestyon lo Labib oubyen aprann plis lo Temwen Zeova.
KONSERNAN NOU
Asiste en renyon
Konn plis lo nou bann renyon. Trouv en renyon ki ganny fer pros avek kot ou reste.
