LABIB I REPONN

Ki mannyer bann zanfan i kapab aprann pour kontan Bondye?

Ou zanfan i kapab aprann pour kontan Bondye si zot konvenki ki i egziste e i kontan zot. Pour kontan Bondye, zot bezwen konn li. (1 Zan 4:8) Par egzanp, zot bezwen konnen: Ki ti plan Bondye pour kree bann imen? Akoz Bondye i les nou soufer? Ki Bondye pour fer pour limanite a lavenir? ​—Lir Filipyen 1:9.

Pour ed ou zanfan kontan Bondye, ou devret montre zot ki ou menm ou kontan Li. Kan zot vwar sa, zot pou pli pare pour swiv ou legzanp. ​—Lir Deterononm 6:5-7; Proverb 22:6.

Ki mannyer ou kapab tous leker ou zanfan?

Parol Bondye i annan pwisans. (Ebre 4:12) Alor ed ou zanfan pour aprann son bann lansennyman de baz. Pour tous leker bann dimoun, Zezi ti ekoute, demann bann kestyon e eksplik bann Lekritir. Pour tous leker ou zanfan, ou kapab imit lafason ki Zezi ti ansennyen.​—Lir Lik 24:15-19, 27, 32.

An plis, bann resi lo Labib lo fason ki Bondye i azir avek dimoun i kapab ed ou zanfan pour konn e kontan Bondye. Bann piblikasyon ki koz lo sa size i disponib lo www.dan124.com.​—Lir 2 Timote 3:16.

Pour plis lenformasyon vwar sapit 14 dan sa liv Ki Labib i vreman dir? pibliye par Temwen Zeova

I disponib lo www.dan124.com oubyen anvoy ou demann pour ganny en kopi gratwit sa liv lo enn sa bann ladres lo paz 2

[Portre lo paz 16]

Servi bann leson lo kreasyon pour ed ou zanfan konn e kontan Bondye