Хӑш-пӗр культурӑра ҫын мӑшӑрланман пулсан, вӑл телейлӗ пулма пултараймасть тесе шутлаҫҫӗ. Анчах та мӑшӑрлӑ пурнӑҫпа пурӑнакан пур ҫын пирки те телейлӗ тесе калаймӑн. Ҫав вӑхӑтрах авланманнисемпе качча кайманнисем пирки телейсӗр ҫынсем тееймӗн. Тӗрӗссипе каласан, Библире каланӑ тӑрӑх, авланмасӑр, качча каймасӑр пурӑнни те, мӑшӑрлӑ пурнӑҫ та — Турӑ панӑ парнесем.

1. Авланмасӑр, качча каймасӑр пурӑнни мӗнле усӑ парать?

Библире ҫапла каланӑ: «Кам мӑшӑрланать — лайӑх тӑвать, кам мӑшӑрланмасть — тата лайӑхрах тӑвать». (1 Коринф 7:32, 33, 38 вулӑр, «Ҫӗнӗ тӗнче» куҫару.) Мӑшӑрланман ҫын «тата лайӑхрах тӑвать» тенине мӗнле ӑнланмалла? Ҫавӑн пек ҫыннӑн хӑйӗн мӑшӑрӗшӗн тӑрӑшма кирлӗ мар. Ҫавӑнпа та мӑшӑрланман ҫынсем ирӗклӗрех. Вӗсенчен хӑш-пӗрисем Иеговӑшӑн нумайрах ӗҫлеме пултараҫҫӗ. Сӑмахран, вӗсем ырӑ хыпар сарма урӑх ҫӗршыва куҫса кайма пултараҫҫӗ. Унсӑр пуҫне, вӗсен хӑйсемпе Иегова хушшинчи туслӑха ҫирӗплетме нумайрах вӑхӑт пур.

2. Законлӑ майпа мӑшӑрланни мӗнле усӑ парать?

Мӑшӑрланни, мӑшӑрланманни пекех, усӑ парать. Библире «пӗччен пуличчен иккӗн лайӑхрах» тенӗ (Екклесиаст 4:9). Ҫакӑ Библири принципсене тытса тӑракан мӑшӑрсем ҫинче питӗ лайӑх курӑнса тӑрать. Законлӑ майпа мӑшӑрланакансем хӑйсен мӑшӑрӗсене юратма, хисеплеме тата вӗсемшӗн тӑрӑшма сӑмах параҫҫӗ. Ҫавна пула вӗсем, мӑшӑрланмасӑр пӗрле пурӑнакансемпе танлаштарсан, хӑйсене хӳтлӗхри пек туяҫҫӗ. Ҫавӑн пек ҫемье ачасемшӗн те хӑрушсӑр вырӑн пулса тӑрать.

3. Иегова мӑшӑрлӑ пурнӑҫ ҫине мӗнле пӑхать?

Иегова малтанхи ҫынсене мӑшӑрлантарнӑ чухне ҫапла каланӑ: «Этем хӑйӗн ашшӗпе амӑшне пӑрахӗ те арӑмӗ ҫумне ҫыпҫӑнӗ» (Пултарни 2:24). Иегова упӑшкипе арӑмӗ пӗр-пӗрне юратчӑр тата вӗсем мӗн пурнӑҫ тӑршшӗпе пӗрле пулччӑр тенӗ. Иегова мӑшӑрсенчен пӗри аскӑн ӗҫ туса теприне улталасан ҫеҫ уйрӑлма ирӗк панӑ. Ҫавӑн пек чухне Иегова айӑпсӑр мӑшӑрне ҫакӑн пек ирӗк панӑ: вӑл уйрӑлас терӗ пулсан уйрӑлма пултарать, уйрӑлас мар терӗ пулсан уйрӑлмасан та пултарать (Матфей 19:9) a. Иегова христиансен пӗр арӑм е пӗр упӑшка ҫеҫ пулмалла тет (1 Тимофей 3:2).

 НУМАЙРАХ ПӖЛӖР

5. Пулас мӑшӑра тӗрӗс суйласа илӗр

Эсир тума пултаракан чи кирлӗ йышӑнусенчен пӗри вӑл — пулас мӑшӑра суйласа илесси. Матфей 19:4—6, 9 вулӑр та ҫак ыйтӑва сӳтсе явӑр:

• Мӗншӗн мӑшӑрланма васкамалла мар?

Библи пире пулас мӑшӑра шыранӑ чухне мӗн шута илмеллине пӗлме пулӑшать. Чи кирли вӑл — пулас мӑшӑрӑн Иеговӑна юратмалла b. 1 Коринф 7:39 тата 2 Коринф 6:14 вулӑр та ҫак ыйтусене сӳтсе явӑр:

• Мӗншӗн пулас мӑшӑра Иеговӑн ӗҫлекенӗсем хушшинче кӑна шырамалла?

• Эсир мӗнле шутлатӑр: эсир Иеговӑна юратман ҫынпа мӑшӑрлансан, Иегова хӑйне мӗнле туйнӑ пулӗччӗ?

 6. Мӑшӑрлӑ пурнӑҫ ҫине Иегова пӑхнӑ пек пӑхӑр

Авалхи Израильте хӑш-пӗр арҫынсем кирлӗ-кирлӗ мар япаласемшӗнех хӑйсен арӑмӗсенчен уйрӑлнӑ. Малахия 2:13, 14, 16 вулӑр та ҫак ыйтӑва сӳтсе явӑр:

• Мӗншӗн Иегова ҫынсем Библи тӑрӑх уйрӑлма ирӗк ҫук ҫӗртенех уйрӑлнине кураймасть?

ВИДЕО пӑхӑр та ҫак ыйтӑва сӳтсе явӑр.

• Сирӗн мӑшӑру Иеговӑна ӗненмест пулсан, сирӗн мӑшӑрлӑ пурнӑҫ телейлӗ пултӑр тесе эсир мӗн тума пултаратӑр?

7. Иеговӑн нормисем тӑрӑх пурӑнӑр

 ТӖП ШУХӐШ

Мӑшӑрланманни те, мӑшӑрланни те — Иегова панӑ парнесем. Ҫемьеллисем те, ҫемье ҫавӑрманнисем те телейлӗ те тулли пурнӑҫпа пурӑнма пултараҫҫӗ. Ҫавӑн пек пултӑр тесен Иеговӑн нормисене тытса тӑмалла.

Вӗреннине аса илни

• Ҫын авланман е качча кайман пулсан, мӗнле майпа вӑл ҫавӑнпа тӗрӗс усӑ курма пултарать?

• Мӗншӗн Библире Иеговӑн ӗҫлекенӗсемпе ҫеҫ мӑшӑрланмалла тенӗ?

• Библире каланӑ тӑрӑх, уйрӑлма ирӗк паракан мӗнле пӗр сӑлтав ҫеҫ пур?