Harold Corkern, sydd yn gynorthwywr i Bwyllgor Cyhoeddi’r Corff Llywodraethol, yn rhoi anerchiad dan y teitl “Cyflawni Eich Potensial.” Ceir anerchiadau rheolaidd i galonogi’r gweithwyr yn Warwick.

Mae llenni plastig gwyn yn cadw’r gweithwyr yn gynnes ac yn caniatáu i’r gwaith fynd yn ei flaen drwy’r gaeaf. Yn y rhan hon o’r adeilad bydd ffreutur, meddygfa, cegin, a golchdy.

Trydanwyr yn dechrau weirio. Mae mwy na 12,000 metr (40,000 troedfedd) o geblau eisoes wedi eu gosod yn y neuaddau preswyl. Dechreuodd y gwaith trydanol yn fuan ar ôl prynu’r safle, a bydd yn parhau hyd ddiwedd y prosiect.

Gweithiwr yn defnyddio tâp i baratoi balconi cyn triniaeth dal dŵr. Yma, mae balconïau ar y llawr uchaf yn cael eu trin â polymethyl methacrylate (PMMA)​—pilen dal dŵr y gellir ei thaenu’n gyflym fel hylif.

Tîm tad a merch yn gosod y ceblau fydd yn mynd â thrydan i’r neuaddau preswyl.

Mae eisiau bwyd ar y gweithwyr. Darperir mwy na 2000 o brydau bwyd bob dydd yn y ffreutur dros-dro.

Criw yn gosod barau atgyfnerthu yn llawr yr adrannau cynnal a chadw.

Llythyrau oddi wrth blant yn diolch i’r gwirfoddolwyr am eu gwaith. Daw llawer o’r gwirfoddolwyr am gyfnodau byr yn unig. Mae tua 500 o weithwyr newydd yn cyrraedd bob wythnos. Ym mis Chwefror, roedd tua 2,500 yn gweithio ar y safle bob dydd.

Erbyn hyn, mae tua 60 y cant o’r gwaith wedi ei gwblhau. Rhwng Ionawr ac Ebrill 2015, cwblhawyd waliau a thoeau’r neuaddau preswyl a fframwaith dur y Swyddfeydd. Dechreuodd y gwaith i osod paneli concrit ar yr Adeilad Cynnal a Chadw, i adeiladu llwybrau sy’n cysylltu’r neuaddau preswyl, ac i drwsio’r argae yn Llyn Sterling Forest (Blue Lake).

Edrych i fyny tŵr grisiau. Contractwyr a wnaeth y gwaith ffurfio ar gyfer y tŵr hwn, ond gwirfoddolwyr o blith y Tystion a dywalltodd y concrit.

Criw yn gosod barau atgyfnerthu ar gyfer y llawr gwaelod ar ddiwrnod oer. Cafwyd bron i 127 centimetr (50 modfedd) o eira yn Warwick rhwng Ionawr a Mawrth. Roedd criwiau’n gweithio i glirio’r eira, ac roedd llefydd arbennig i’r gweithwyr gynhesu.

Gosod haenau metel ar y cyplau to. Erbyn diwedd mis Ebrill, roedd y rhan fwyaf o’r toeau â thalcen yn eu lle. Bydd to Neuadd Breswyl B wedi ei orffen erbyn canol mis Mehefin.

Golygfa o Neuadd Breswyl B o ben craen.

Astudio cynlluniau plymwaith yn yr adeilad Parcio i Breswylwyr. Mae angen dros 3,400 o luniadau adeiladu ar gyfer y prosiect cyfan.

Gweithwyr ar ben craen yn diogelu’r adeilad â llen blastig. Mae llu o gyrsiau hyfforddi yn sicrhau bod pobl yn defnyddio offer yn ddiogel. Yn eu plith, y mae cyrsiau ymgyfarwyddo, a chyrsiau ar ddefnyddio peiriannau codi a pheiriannau anadlu, ar atal pobl rhag syrthio, ar godi a symud offer trwm, ac ar gyfathrebu drwy roi arwyddion.

Edrych i’r gorllewin i gyfeiriad y neuaddau preswyl. Erbyn diwedd mis Ebrill, roedd gwaith sylweddol ar y gweill ar systemau mecanyddol a thrydanol yn Neuaddau Preswyl A, B, a D, fel y gwelir yn y llun hwn. Yn Neuadd Breswyl C (nas gwelir yn y llun hwn), roedd gwaith wedi dechrau i osod plastrfwrdd, teilsio, a pheintio.

Dau weithiwr mewn bwced craen yn peintio haenen ar y waliau allanol sy’n atal aer rhag mynd drwyddi, ond sy’n caniatáu i leithder anweddu. Mae’n cymryd tua dau fis i drin pob neuadd breswyl.

Seiri yn codi wal o wenithfaen. Yn y rhan hon o’r adeilad bydd man llwytho a swyddfeydd.

Deifiwr yn tynnu hen falf a gosod un newydd yn Blue Lake. Wrth bwyso botwm, gellir rheoli lefel y dŵr yn y llyn pe bai corwynt yn digwydd.