꞊Kwɛŋzü ˈˈtʋ̈ŋ ˈbha -nu ˈka, ˈˈsɛgɔdhiʋ̈mɛn -nu -wo Zoova -dhɔkëmɛn -nu -takun. (Esd 6:1-12; Est 8:10-13) ꞊Dɛɛ ˈpö kwa «ˈˈsɛ» ɛɛnˈˈ ˈˈsɛgɔdhiʋ̈mɛn ˈbha -nu ˈö ˈwo dhɔŋsü -an yö kö -wo kwa -wëëdhɛ ˈö «ˈˈyina» Sɔtraan -ya wo -ni ˈgü bhë, -a «yi» ꞊gban mü -ni ˈgü. (-Dh 12:16) Zoova, «-Zlan ˈö mɛn dha bhë,» ꞊mɔɔn- -bha ˈö bɔ ꞊shiöŋ ˈˈsɛgɔdhiʋ̈mɛn -nu -ta ˈö ö -dhɔkëmɛn -nu -takun.​—Ps 68:20; Pr 21:1.

ˈˈKɛɛ ꞊ya kë ꞊dhɛ ˈü -kaso ˈgü ü -bha -zoyödhe -kosɔn ꞊wɛ? Ü zuʋ̈ˈˈ ˈya ˈdho dɔ ˈdudhö. Zoova ˈˈɲan -yö ü -bha. (ˈWn 39:21-23; Ps 105:17-20) -A -wɔn -yö kë ü ˈˈɲaan ꞊dhɛ Zoova -dho ˈdhuëë- ˈkpɔ ü -bha, ü -bha -zoyödhe -wɔn ˈgü. ꞊Ya ˈgo mü ˈzü ü -bha -towotasü -yö ü ꞊dhegblü -nu ˈwo ˈˈkpɔnŋtaadhɛ -todhʋ̈sü ˈgü -an ꞊faan -mën.​—Fdh 1:12-14; -Dh 2:10.

-BHÖ VIDEO NOS FRÈRES CORÉENS : LIBÉRÉS DE PRISON -GA. ꞊YA ƝËN -BHÖ DHƐƐˈˈ -NU ˈWO YÖ -AN -YƆ BƆ:

• ˈMën -kë ˈö ˈwo kwa ꞊dhegblü ˈˈgblü ꞊va -da -kɔso ˈgü -kwɛ ꞊va ˈpiʋ̈ Koodhe di Sidö?

• -Mën ˈö zakanmɛn -nu ˈwo- pö ˈö- -wɔn ˈgü ˈwo ꞊kwaa ꞊blɛɛsüwo kwa ꞊dhegblü -nu ˈzü?

• Kwa ꞊dhegblü -nu ˈö ˈwo -kaso ˈgü ˈˈtʋ̈ŋ -ya ˈgü -an -bha -zöyödhe -wɔn ˈgü ˈˈsɛ -todhʋ̈sü ˈgü bhë, kwa dho -an -takun -kɔ -kë ꞊dhɛ?

• -Ya -de ˈflëëgüdhe ˈkwa- ˈgü ˈˈtʋ̈ŋ -ya ˈgü bhë, kwa dua -mü kö ˈkwa- ˈsü ˈkwa -mën kë- ˈka?

• De ˈö- -kë ˈö za -nu -wo -dhi kwa -gɔ ˈˈkpɔnŋtaadhɛ -todhʋ̈sü ˈgü?