Saanˈˈ mɛn ˈgü ˗ga. ˈˈKɛɛ ˈö ꞊gwëë ˗ni ˈgü ˗yö ꞊mɔɔn˗ ˗bha ˈö kwa ˈgü ga ˈˈvaandhö. ˗A ˗wɔn ˗kun Davi ˈˈɲaan ꞊dhɛ saanˈˈ ˈö kun bɔ ˗ni ˈgü ˗a ˈgü ˗Gblüdë Saidhö ˈkosɔn bhë, ˗yö ˗dho ɲën˗, ˈö˗ ˗kë ˗gblüdë ˈka ꞊dhɛ ˗kɔ ˈö Zoova ˗ya pö˗ ˈka, ˗a ˈdhö. (1S 16:13) Davi ˗bha ˗zoyödhe ˗ya ˗takun ˈö ö zuʋ̈ˈˈ ˗kë ˗saa ˈö ö ˈˈɲan ˈto Zoova ˗gɔ.

ˈKwa bɔ ˗ni ˈgü ˈwɔn ˈˈgbɩɩ˗ ˗nu ɛɛnˈˈ saanˈˈ ˗nu ˈgü, kwa ꞊mɔɔn˗ ˗bha ˈkwa bɔ kwa ˗bha ꞊kpɔɔdhɛ ɛɛnˈˈ kwa ˗bha ˈwɔndɔdhe ˗ta ˈö ˈkwa kwa ˗bha ˗tosɛta ꞊baa. (1S 21:12-14; Pr 1:4) ˈˈKɛɛ ˈwɔn ˈˈgbɩɩ˗ ˈbhaa ˗nu ꞊mɔɔn˗ ˗bha ˈwo ꞊gwëë kwa ˗bha ˈkö ꞊dee kwa kwa ˗gɛn ˗gban Biblö ˗bha ˈtɔŋ˗ ˗gɛngbandhɛ ˗nu ˗ta ˈö ˈkwa pë ˈbha ˗nu kë kö ˈkwa ˗an ˈˈɲan bhɔ. ꞊Ya kë ˈˈdhʋ̈, kwa dua ˗mü kö ˈkwa kwa zuʋ̈ˈˈ kë ˗saa kö ˈkwa kwa ˈˈɲan ˈto Zoova ˗gɔ. ˗A ˈˈtʋ̈ŋ ˈyaa ꞊gblɛɛn ˈzü kö ˗yö kwa ˗bha saanˈˈ waa kwa «ˈˈyanyi ꞊gban bho mü ˈˈpɛɛpɛdhö.» (˗Dh 21:4) ˈKö ˗kë ꞊dhɛ saanˈˈ ˗go kwa ˗bha Zoova ɛɛnˈˈ ˈwɔn ˈˈwɛɛ ˈbha ꞊nën˗ ˈsaa˗ ˈgü, pë do ˈbha ˈö˗ ˗wɔn ˈdhö kwa ˈˈɲaan ˈyö ˗tɔ: Saanˈˈ ˈˈpɛpɛ ˈˈdhiʋ̈todhɛ ˗yö ˗dhö. ˈYö ˗a ˈwɔn dɔ ˗sü ˈö ˈˈdhʋ̈, ˗yö kwa zuʋ̈ˈˈ ˗kë ˗saa.

˗BHÖ VIDEO UN PEUPLE UNI DANS UN MONDE DIVISÉ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˈWɔn ˈˈgbɩɩ˗ ˈbhaa ˗nu ˗mɛɛn ˈö kletiɛn ˗nu ˈwo kun Zeta zuni ˈˈshiaŋ ˗ʒian ˈka ˈwo bɔ ˗an ˈgü?

• ˗Wo zuʋ̈saadhɛ waa ˗dhɔ ˗zɔn ˗kɔ ˗kë ꞊dhɛ?

• ˗Wo wo ˈˈɲan ˗ya ˗kplawo «ˈwɔn ˗së ꞊dede ˈö ˗dhi [˗Zlan] ˗dhɛ» ˗a ˗bha ˗kɔ ˗kë ꞊dhɛ?—Fdh 1:10