Ü ˗BHA ˗ZLANWOPÖSÜ ˈKUN ˈˈGBƖƖ˗ | ˗KWA KWA ˗BHA ZUƲ̈GBLÜDHI ˗DADHIƲ̈ ˗ZLANWOPÖDHƐ ˈGÜ
˗Kwa kwa ˗bha Biblö ꞊klaŋ ˗nu ˗takun kö ˗wo wo ˗de ꞊klaŋ kë ˗Zlan ˗Wo ˈka
Kwa ˗bha Biblö ꞊klaŋ ˗nu ˈwo˗ ˈˈpiʋ̈ kö ˗wo ˗Zlan dɔ ˗së ˈka kö ˗an ˗zo ˗yö ˗gban, ˗an dua ˈyaa ˗mü kö ˗wo ˈto gagade ˗nu dosɛnŋ ˈkwa ˗an ˗zɔn ˗an ˗dhɛ bhë ˗an ˗ta. (Mt 5:3; Eb 5:12–6:2) ˗An dua ˗mü kö ˗kɔ ˈö ˈwo dho wo ˗de ꞊klaŋ kë ˗Zlan ˗Wo ˈka, ˗a draanˈˈ.
ˈKwa Biblö draansü zübho ˗an ˈˈpiʋ̈, ˗kɔ ˈö ˈwo dho wo ˗de baaˈˈ ˗a ˈka, ˗kwaa ˗zɔn ˗an ˗dhɛ. ˗Kwa ˗an ꞊faan ˈmën kö ˗wo wo ˗de baaˈˈ. (mwb18.03 6) ˗Kwaa pö ˗an ˗dhɛ ˈwo˗ ˈˈpiʋ̈ kö ˗wo Biblö draanˈˈ wo ˗de ˈˈpiʋ̈, ˗wo bhɛɛˈˈ ˗a zübhodhɛ ˈgü. ˗Kwa ˗an ˗takun kö kwa ˗bha pë ˗nu ˈwo parɛɛ ˗nu ˈgü bhë, ˗wo yö ˗kë ˗an ˈka. ˗Kɔ ˈö ˈwo dho ˗kpan ˗a ˈka pë ˗dɛɛ ˗nu ˈwo yö ˈˈkpɛnŋ jw.org waa kwa ˗bha tele ˈö JW ˗ta, ˗an ˗ta, ˗kwaa ˗zɔn ˗an ˗dhɛ. ˗Kwa ˗an ˗takun ˈˈdhiʋ̈ ˈˈdhiʋ̈ kö ˗wo Biblö ˗wo pö yi ꞊gban ˈka, ˗wo wo ˗bha ˗zlanwokɔdhi ˗bha ˗bhɔkwëë ˗nu baaˈˈ, ˈgo mü ˈzü kö dhɛɛˈˈ ˗nu ˈwo ˗an kpɔ wo ˗de ˗gɔ ˗wo ˗an ˗yɔ ˗nu mɛɛnˈˈ. ˗Kɔ ˈö ˈwo dho wo ˗zota ˈpë ˈwo˗ ꞊draan ˗a ˈgü, ˗kwaa ˗zɔn ˗an ˗dhɛ ˈpö.
˗BHÖ VIDEO ˗BHÖ Ü ˗BHA BIBLÖ ꞊KLAŊNËN ˗NU ˗TAKUN KÖ ˗WO WO ˗DE ꞊KLAŊ KË ˗ZLAN ˗WO ˈKA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
Nita ˗yö ˈˈSënŋ ˗takun ˗kɔ ˗kë ꞊dhɛ kö ˗ya yö ꞊dhɛ Biblö draansü ˈö bhë ˗yö ˗ʒiö dhɛɛˈˈ ˗yɔ ˗nu ˈˈkpaan dɔ ˗sü ˗ta?
-
˗Mën ˈö ˈˈSënŋ ˗takun ˈö˗ ˈwɔn dɔ ꞊dhɛ ˗a pö ˈö Zoova ˗ya wo ꞊dhɛ ˈˈɲangüyaa kë ˗sü ˈyaa ˗së bhë, ˗ya ˗pö ˗së?
-
˗Kɔ ˈö kwa ˗bha Biblö ꞊klaŋ ˗nu ˈwo dho pë ˈbha ˗nu draanˈˈ ˗a ˈka kö ˗wo ˗an ˗ya ꞊bhlëë ˈgü, ˗kwaa ˗zɔn ˗an ˗dhɛ.
ˈMën ˈˈsënŋ ˈö˗ ˈgüman ˈö ˗gban mɛn ˗zota ˈpë ˈmɛn˗ ꞊draan ˗a ˈgü ˗sü ˗bha?
