KWA ˗BHA ˗KË KLETIƐN ˈKA ˗SÜ
Mɛn zii ˗nu ˗wo yö ˗kë kö ˗wo Zoova ˗dhɔkëmɛn ˗nu ˗takun
Mɛn ꞊va ꞊dede ˗wo mɛn ˗nu ˈö ˗wogbiŋdhɛ ˈdhö ˗an ˗gɔ, ˗an yö ˈya˗. ˈˈKɛɛ kwa˗ ˈgüman ˗an ˗gɔ. ˈÖ sü ˗kwɛŋzü ˗bha ˈö yö˗ ˈka ꞊dɛɛ ˗bha, mɛnbhɩɩdhe ˗nu ˗wo ˗bɔ wo ˗bha ˗wogbiŋdhɛ ˗ta ˈö ˈwo ˈwɔnyaa ˗kë mɛn ˈˈwɛɛ ˗nu ˈka wo ˗dea ˈwɔn ˗së ˈgü. (Mi 7:3) ˗Wo mɛn zii ˗nu ˈwo ˗zlanwokɔdhi ˈgü wo ˗zë ˗an ˗kian ˗sü ˈka kö ˗wo bɔ wo ˗bha ˗wogbiŋdhɛ ˗ta kö ˗wo ˈwɔn ˗së kë ˗a ˈka Zoova ˗dhɔkëmɛn ˗nu ˗dhɛ. ˈYö ˗a kë ˈˈdhʋ̈ ˗sü ˗yö kwa ˗dhɛ ˗së ꞊dedewo.—Est 10:3; Mt 20:25, 26.
Mɛn zii ˗nu ˈwaa ꞊dhɛ mɛn ˗nu ˈö ˈwo ˗duɛɛ ˈkpii˗ ˈgü ˈˈkpɔnŋ ꞊taa yö bhë, ˗an ˈdhö. Zoova waa ö ˗bha ˈˈsɛgümɛn ˗nu ˗dhɔ ˗yö mɛn zii ˗nu ˗kë. (Zn 21:16; 1P 5:1-3) ˗Wo yö ˗kë Yesu ˗kɔ ꞊löö kë ˈˈdhʋ̈ kö ˗wo ˗zlanwopömɛn ˗nu ꞊gban ˗takun kö ˗wa yö ꞊dhɛ ˗wo Zoova ˗bha ˈkɔdhigümɛn do ˈka, ˈgo mü ˈzü kö ˗wo ˈto ˗klu ˗sü ˈka˗ ˗bha. ˗Wa ˈˈpiʋ̈ ꞊dedewo ˗wo wo ꞊dhegblü ˗nu ꞊faan ˈmën, kö ˗wo ˗an ˗takun ˈˈyua waa ˈwɔn ˈˈgbɩɩ˗ ˈˈwɛɛ ˈbha ˗nu ˈwö ˗kë ꞊dhɛ ˈˈyi ˗bha pa ˗sü ˗nu ˈdhö bhë, ˗an ˈgü. Ü ˗bhawɔn ˗ya yö ˗takundhe ˗bha, ü ꞊mɔɔn˗ ˗bha ü yö mɛn zii do ˈö ü ˗bha ˗zlanwokɔdhi ˈgü ˗a ˗bha.—Zk 5:14.
˗BHÖ VIDEO ˗MAANKËMƐN ˗NU ˗WO WO -ZOKË ˗ZLANWOKƆDHIGÜMƐN ˗NU ˈˈPIƲ̈ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
Mɛn zii ˗nu ˗bha ˗takundhe ˗yö ˈwɔn ˗së kë Mariana ˗dhɛ ˗kɔ ˗kë ꞊dhɛ?
-
Mɛn zii ˗nu ˗bha ˗takundhe ˗yö ˈwɔn ˗së kë Eliasö ˗dhɛ ˗kɔ ˗kë ꞊dhɛ?
-
˗Bɔagüwɔn ˗nu ˈwo video ˈö yö ˗a ˈgü bhë, ˗wa ˗kë ˈö yö ˈö mɛn zii ˗nu ˈwo˗ ˗kë bhë, ˈü˗ yö ˗kɔ ˗kë ˗dhɛ?
