˗KA ˗YA KA ˈˈYAAN!
˗Kpankwëëdhɛ ˈö ɛntɛnɛtö ˗ta ˗yö ˈwɔn yaa kë ˗ni ˈgü ü ˗bha ˈnën ˈka ˗ee?: Biblö ꞊mɔɔn˗ ˗bha ˈö ˈnënmɛn ˗nu ˗takun ˗kɔ ˗kë ꞊dhɛ?
«Wlüünën ˗nu ˗bha ˗gɔ ˈgü dɔ ˗gbɔudö ˗sü ˗ya kë ˈwɔn ˈˈgbɩɩ˗ ꞊dede ˈka. Pë ˈbha ˈö˗ ˗da ˗ni ˈgü ˈˈdhiʋ̈ ꞊dedewo ˈyö ˗tɔ ˗kpankwëëdhɛ ˈö ɛntɛnɛtö ˗ta.»—꞊Dhɔtrɔɔmi Vivɛkö Mɛɛti, mɛnpɛmɛn ˈkpii˗ do ˈö Zeta zuni, ˗kwɛ 2024 Ʒuɛn 17, New York Times.
ˈNënmɛn ˗nu ˗dho wo ˗bha ˈnën ˗nu ˗takun ˗kɔ ˗kë ꞊dhɛ kö ˗kpankwëëdhɛ ˈö ɛntɛnɛtö ˗ta ˈyaa ˈdho ˈwɔn yaa kë ˗an ˈka? ˗Dhioo ˗së ˗nu ˈwo dho ˗an ˗takun ˗wo Biblö ˈgü.
ˈMën ˈnënmɛn ˗nu ˈwo ꞊mɔɔn˗ ˗bha ˈwo˗ ˗kë?
˗Bhö Biblö ˗bha ˈtɔŋ˗ ˗gɛngbandhɛ ˗yaaga ˗nu ˈwo yö ˗an ˗ga.
«Mɛn ˈö ˈwɔn ˗nu ˗kë ö ˈsuan˗ ˈka, ˗yö ö ˗gɛn yödhɛ ˗ga ˗së ˈka.»—Proverbes 14:15.
˗Kpankwëëdhɛ ˈö ɛntɛnɛtö ˗ta ˗yö ˈwɔn yaa kë ˗ni ˈgü ˈnën ˗nu ˈka. ˗Dhɛ ˈö ˈˈdhʋ̈, ˈˈgbɩɩdhɛ ˈyaa ˗mü kö ˈü ü ꞊kwaa ü ˗bha ˈnën ˈzü kö ˗yö ˈdho ˗kpankwëëdhɛ ˈö ɛntɛnɛtö ˗ta, ˗a ˗ta . ˈˈSanni ˈü ü ꞊kwaa˗ ˈzü kö ˗yö ˈdho ˗a ˗ta, ˗bhö ˗a ˗ga ꞊ya kë ꞊dhɛ ˗ya ˗kian, ˈö ˗dho ꞊mɔɔn˗ ˗bha kö ˗yö ö ˗zokë ˈˈtʋ̈ŋ ˈö ˗dho ˗a kë ˗a ˗ta waa mɛn ˗nu ˈö ˗dho ꞊nënŋ ˗a ˗bha mü ˗an ˈˈpiʋ̈, ˈgo mü ˈzü ˈö ˈyii ˈdho pë ˈˈbin yaa ˗ga ˗a ˗ta, kö ˈü˗ ˈwɔn dɔ.
ˈBha˗ pö ˈü˗ ˈbha ˈgüman, ˗bhö ˈwɔn ˗gɔ ˗nu « Mon enfant devrait-il utiliser les réseaux sociaux ? » waa « Protégez votre adolescent des dangers des réseaux sociaux » ˗wo pö.
‹[˗Bhö] ˈwɔn ˗së kë ü ˗bha ˈˈtʋ̈ŋ ˈka.›—Efɛzö 5:16.
ˈBha˗ pö ü ˗bha ˈnën ˗yö ˈdho ˗kpankwëëdhɛ ˈö ɛntɛnɛtö ˗ta ˗a ˗ta, ˗kɔ ˈö ˗dho yö kë ˗a ˈka waa pë ˈö dho ˗a kë kö ˈyaa ˈdho ˈwɔn yaa kë ö ˗de ˈka, ˗bhö ˗a ˗zɔn ˗a ˗dhɛ. Pë ˗nu ˈwo ˗dho ˗a ˗zɔn ˗a ˗bha ˈwɔn kë ˗kɔ ˗nu ˈgü ꞊dhɛ ˗a dua ˈyaa mü ˈzü kö ˗yö ˈdho ˗kpankwëëdhɛ ˈö ɛntɛnɛtö ˗ta ˗a ˗ta, ˗bhö ü ˈˈtʋ̈ŋ kë ˗an ˈgü.
˗Bhö pë ˈˈbin video ˗Kpankwëëdhɛ ˈö ɛntɛnɛtö ˗ta, ˈbha kë ˗a ˗ta, ˗bhö ˗a kë ˗së ˈka ˈsü kö ˈü ü ˗bha ˈnën ˗takun kö ˈpë ˗kë ˈö˗ dua ˈdhö ˗mü kö˗ ˗bha ˈdho ˗sü ˈö ˗kpankwëëdhɛ ˈö ɛntɛnɛtö ˗ta, ˗ya ˗naan ˗ya kö ˈö˗ dɔ.
˗Bhö ˗a ꞊va ˈbha draanˈˈ
Biblö ˗ya ˗pö ꞊dhɛ kwa «ˈwɔn ˈˈgbɩɩ˗ ˈö dho kë ˈˈkpʋngtaadhɛ yën ˈˈtʋ̈ng ˈgü» bhë, ˗a ˈgü. (2 Timote 3:1-5) ˈˈKɛɛ ˗dhioo ˗së ˗nu ˈwo dho kwa ˗takun kö ˈkwa bɔ ˗a ˈgü zuʋ̈saadhɛ ˈka, ˗wa ˈgü. ˈWɔn ˗gɔ ˗nu ˈwo ˗ʒiö 20 ˗ta ˈö ˗an ˗gɛn ˗yö ˗gban Biblö ˗ta, ˈö ˈwo ꞊mɔɔn˗ ˗bha ˈwo ˈnënmɛn ˗nu waa wo ˗bha ˈnën ˗nu ˗an ˗takun ˗wo ˈwɔn ˗gɔ ˈö ˗gban wlüünën ˗nu ˗bha ˗gɔ ˈgü ˗yua ˗bha bhë, ˗a ˈgü.
˗A ˗ga ˗sü ˗dhɔ ˗dho ü kë ˈpö
ˈWƆN ˗NU ˈWO ˗GBAN YI ˗BHA
˗A pö ˗wo ˗wo ü ˗dhɛ
Dhɛɛˈˈ ˗nu ˈö Biblö ˗yö ˗an ˗yɔ bɔ, ˗bhö ˗a do ˗ga ɛɛnˈˈ ˗bhö ˈwɔn ˗nu ˈwo ˗gban Zoova ˗bha ꞊Gbɛkiö ˗nu ˗bha ˗a ꞊va ˈbha draanˈˈ.
