«ˈWɔn ˈö ˗gban ˈˈtʋ̈ŋ ˗bha ꞊slëë ˈgü ˗sü ˗bha bhë, ˗ya kë zuʋ̈dhiʋ̈tɛɛ ˈka mɛnbhɩɩdhe ˗nu waa ˗Zlan ˗dapë ˗nu ꞊gban ˈˈpɛpɛ ˗bhaa ˈka. ˈˈTɛɛ ˈˈgblʋ̈gblʋ̈ ˗nu ˈö ˈˈtʋ̈ŋ ˗bha ꞊slëë ˈgü ˗sü ˈö nu ˗an ˈka, ˗wo mɛnbhɩɩdhe ˗nu ˗bha ˈkɔ waa ˗an ˗bha pë ꞊va ꞊dede ˗nu shiʋ̈ˈˈ ˗ni ˈgü ˈˈkpɔnŋtaadhɛ ˗todhʋ̈sü ˗ta. ˈˈYibhaadhɛ ˗yö kë ˗ni ˈgü ˈˈwowosü. ˗A ˗wɔn ˈgü ˈˈyibhaapë ꞊gban ˗wo ꞊mɔɔn˗ ˗bha ˈwo ga.»—˗Kwɛ 2023 Ʒue 25, Inger Andersen, ONU ˗bha ˈsëëdhɛ ˗bɛnzëmɛn ˗kɔlöömɛn waa Nashiɔn zuni ˈˈpian ˈdhɛ ˈö ˗gban ˈˈsɛ waa ˈˈyi ˗an ˗bha, ˗gɔmɛn.

 ˈˈSɛgɔdhiʋ̈mɛn ˗nu ˗wa ˈdho wo ˈkwëëdhö ˗wo ˗dho ꞊mɔɔn˗ ˗bha ˈwo ˈwɔn ˈö ˗gban ˈˈsɛ ˈö shiʋ̈ˈˈ ˗ni bhë ˗a ˗bha, ˗a ˈˈɲan bhɔ ˗ee? ˗Wo ˗dho ꞊mɔɔn ˗a ˗bha ˈwo˗ ˈˈɲan bhɔ ˈö ɲën ˈpapadhö ˗ee?

 Biblö ˗yö mɛnkɔɔnsü do ˈbha ˈö ꞊mɔɔn˗ ˗bha, ˈö ˗dho ˈwɔn ˈö ˗gban ˈˈsɛ ˈö shiʋ̈ˈˈ ˗ni ˈgü yö ˗a bha, ˗a ˈˈɲan bhɔ, ˗a ˗wɔn ˗blɛɛ. ˗Ya ˗pö «˗Zlan ˈö dhaŋ˗ ˈgü, ˗yö ˗dho ˗gblüdëdhɛ do» ˈö ˗dho ˈwɔn ˈˈgbɩɩ˗ ˗nu ˈwo ˈˈsɛ ˗ta ˗an ˈˈɲan bhɔ, «˗a ˗ya.» (Daniel 2:44) Mɛnkɔɔnsü ˈö bhë ˗a ˗kɔ ꞊löö, mɛn ˗nu «ˈwii ˈdho ˈwɔn yaa ɛɛnˈˈ pë ˈˈdhiʋ̈˗ suu ˈˈʋʋ ˗su ˈbha kë ˈzü» ˈwo ˈko ˗nu waa ˈˈsɛ ˈka.—Isaïe 11:9.