˗Kwɛ 2023 Zanvie 23 ˈka ˈˈkpɔnŋtaadhɛ ˗todhʋ̈sü ˈgü, mɛn ꞊vadhɛ ˗zo ˗dho ˗bo mɛn kpö ˗nu ˈö ˈwo ˗an zë nazi ˗nu ˈˈtʋ̈ŋ ˈka bhë ˗an ˈka. Mɛn zë ˗sü waa ˈwɔn yaa ˗nu ˈwo ˗kë ˈö˗ ˗kwɛ 75 ˗ya ʒiö ꞊dɛɛ yö bhë, ˗wo ꞊mɔɔn˗ ˗bha ˈö ˈwo˗ ˗kë ˈö ˈü ü ˗de dhɛɛˈˈ kpɔ ˈmën ˗kë ˈö ˗Zlan ˗yö ö ˗kwaa mɛn ˗nu ˗zü ˈö ˈwo mɛn kpö ˈˈwɛɛ ˈbha ˗nu zë.

•   ˈBha˗ pö ˈü pë ˈö Biblö ˗ya pö ˈö ˗gban ˗a ˗bha ˗a dɔ, ˗bhö ˈwɔn ˗gɔ « Pourquoi la Shoah a-​t-​elle eu lieu ? Pourquoi Dieu n’a-t-il rien fait ? » ˗wo pö.

 ˗Dhɛ ˈö Zuifö ˗nu ꞊gban ˈˈpɛpɛ zë ˗wɔn ˗yö ꞊wlüü, ˗wo saanˈˈ ˗sü ꞊dedewo. ˗Wo ˗a mɛn ˈˈmliɲɔn ꞊va ꞊dede ˗zë. ꞊Ya ˈgo ˗an ˈgü, ˗wo mɛn kpö ˈˈwɛɛ ˈbha ˗nu ˗wëëdhɛbho ˈö ˈwo ˗an zë ˈpö nazi ˗nu ˈˈtüŋ ˈka. ˗A mɛn ˗nu ˈö ˈwo ˗an zë ˈˈdhʋ̈ bhë, Zoova ˗bha ꞊Gbɛkiö ˗nu ˗kun ˗an kpö ˈgü. Wo ˗zë, ˗wo ˗an ˈˈklʋʋ ˗bhɔ ˈyö ˈwo ˗an zë ˗an ˗bha ˗zoyö Biblö ˗dhɛ ˗sü ꞊nën˗ ˈkosɔn.

•   ˈBha˗ pö ˈü˗ ˈbha ˈgüman, ˗bhö ˈwɔn ˗gɔ « Qu’est-​il arrivé aux Témoins de Jéhovah sous le régime nazi ? » ˗wo pö.

 Mɛn ꞊vadhɛ ˗bhaa ˈgü mɛn kpö ˗nu zë ˗kɔ suu ˈö bhë ˗a ˈbha ꞊mɔɔn˗ ˗bha ˈö ˗kë ˈzü. ˗A wɔn ˈgü ˗a ˈˈsuʋ̈ ˗yö ˗an ˈgü. ˈˈKɛɛ ˗Zlan ˈˈnuɛ, ˈyö ˗tɔ ꞊dhɛ Biblö ˗ya ˗pö ꞊dhɛ ˗dhɛkpaɔ dhiʋ̈ˈˈ ˈgü, ˈwɔn yaa suu ˗nu ˈö ˈwo ˈˈdhʋ̈, ˗a ˈbha ˈyii ˈdho kë ˈzü.

•   «‹˗A ˗gɛn ˗mü ꞊dhɛ ˈpë ˈa˗ ˈˈpiʋ̈ ˈa˗ kë ka ˗dhɛ ˈa˗ ˗dɔ ˗së ˈka,› pë ˈö Zoova ˗ya pö ˈyö bhë. ˗Yadeflëëgüsü ˈnën ˈa˗ ˈˈpiʋ̈ ka ˗bha ˈka, ˈmaan ˈwɔn yaa ˈˈpiʋ̈ ka ˗bha ˈka. A˗ ˈˈpiʋ̈ ˈa ˗dhɛkpaɔ dhiʋ̈ˈˈ ˗së waa ˗zoyödhe ˗së nu ka ˗dhɛ.»—Jérémie 29:11. a

 ˗Dhɛkpaɔ dhiʋ̈ˈˈ ˗së ˈö bhë, kwa ˗dho ˗a ꞊slɔɔ ˈˈtʋ̈ŋ ˈö Zoova ˗Zlan ˈö ˗dho Dügɔmɛn ꞊dede waa˗ këwɔn ˗nu ˈgü shiʋ̈ˈˈ ˗a ˈka bhë, ꞊nën˗ ˈka. ˗A ˈˈtʋ̈ŋ ˈyaa ꞊gblɛɛn ˈzü kö:

•   ˗Yö mɛn ˗nu ˈö ˈwo ˈwɔn yaa ˗kë mɛn ˈˈwɛɛ ˗nu ˈka ˗an bho ˈˈshia˗.—Proverbes 2:22.

•   ˗Yö mɛn ˈˈpɛpɛ ˈö ˈwo ꞊saan ˗an ˈˈɲanyi giiˈˈ.—˗Dhɛkpaɔ dhiaˈˈ ˈsëëdhɛ 21:4.

•   ˗Yö mɛn ˗nu ˈö ˗wa ga, ˗an bho ga ˈgü ˈˈsɛ ˗ta.—Zan 5:28, 29.

 ˗Dhɛkpaɔ dhiʋ̈ˈˈ ˗së ˈö Biblö ˗ya ˗wɔn ꞊blɛɛ bhë, ü ꞊mɔɔn˗ ˗bha ˈü ˈdhaŋ bho ˗a dhiʋ̈ˈˈ. ˈPë ˗kë ˈü ꞊mɔɔn˗ ˗bha ˈü ˈdhaŋ bho ˗a ˈˈdhiʋ̈ ˈbha˗ pö ˈü˗ dɔ, yi˗ ˗dhɛ ü ˗gɔ kö ˈü Biblö draansü ˈö mɛn ˈbha dho ü ˗takun ˗a ˗bha ˗a ˈgüdan.