꞊Dɛɛ ˈˈkpɔnŋtaadhɛ ˗todhʋ̈sü ˈgü, mɛn ꞊vadhɛ ˗wo wo ˗de ˈgü wo duuˈˈ ˈka, ˗dhɛ pë ˈö mɛn ˈbha ˈyaa ˗an ˗gɔ ˗a ˈdhö. ꞊Dhɔtrɔɔ˗ ˈˈgblʋ̈gblʋ̈ ˗nu ˗wa ˗pö ꞊dhɛ mɛn ˈˈwɛɛ ˗nu ˗takun ˗sü ꞊mɔɔn˗ ˗bha ˈö mɛn dha ˗zogɔndhe suu ˗nu ˈwo bhë, ˗an ˗gɔ.

•   «Mɛn ˗nu ˈö ˗an ˗bhawɔn ˈdhö ˗takundhe ˗bha ˗an ˗takun ˗sü ꞊mɔɔn˗ ˗bha ˈö˗ ˗kë ˈö kwa ˗bha ˗tosɛta ˗gɛn ˗yö ˗kë ˗dhö, ˈö ˈyaa kë kwa ˈgü ˈzü ꞊dhɛ kwa kwa do ˈka.»—U.S. National Institutes of Health.

 Pë ꞊dede ˈö ˈkwa ꞊mɔɔn˗ ˗bha ˈkwa˗ ˗kë kö ˈkwa mɛn ˈˈwɛɛ ˗nu ˗takun, Biblö ˗ya ˗zɔn. Pë ˈö Biblö ˈö˗ pö ˗a ˗ya ꞊bhlëë ˈgü ˗sü ꞊mɔɔn˗ ˗bha ˈö kwa ˗takun ˈö ˈkwa go kwa duuˈˈ ˈka.

 Kwa ˈˈgblü ˗yö kë ˗së. ˗Kwaa ˈˈslö mɛɛnˈˈ kö kwaa mɛn ˈˈwɛɛ ˗nu ˈkwa ˈˈtʋ̈ŋ kë kwa ˈkwëë˗. ˈˈKɛɛ ˗a ꞊gban ˈyaa ˈdho kë parɛ ˈˈdhiʋ̈. ˗Kwa ˈˈwɩ˗ ˗bha kö pë ˈö kwa ˗gɔ ˈkwa˗ ˗gblü mɛn ˈˈwɛɛ ˗nu ˈka. ˈKwa˗ kë ˈˈdhʋ̈, kwa ˈˈnuɛ bho ˗dhɔ ˗dho kë ˗an ˗bha, ˈö ˗wo ꞊ɲɔɔn kwa ˗bha.

•   Biblö ˗bha ˈtɔŋ˗ ˗gɛngbandhɛ: «˗Ka gbɔɔ ˗kplawo kö ˗wo gbɔɔ ka ˗gɔ ˈpö.»—Dhukö 6:38.

 ˗Kwa kwa ˈgü dɔ ˈˈgbɩɩ˗ ˈkwa mɛn ˈˈwɛɛ ˗nu ˗takun. Mɛn ˗nu ˈö ˈwo bɔ ˗ni ˈgü ˈˈtʋ̈ŋ ˈˈgbɩɩ˗ ˈgü, ˗kwa ˗an ˗takun ˗kɔ ˈˈslö mɛɛnˈˈ. Kwa ꞊mɔɔn˗ ˗bha ˈkwa˗ ˗kë ˈˈdhʋ̈ ˈˈtʋ ˗to ˗an ˗bha ˗sü ɛɛnˈˈ ˗an ˗bha yö ˈnën ˗nu ˗kë ˗an ˗dhɛ ˗sü ˈka kö ˗wo wo ˗de ꞊slɔɔ.

•   Biblö ˗bha ˈtɔŋ˗ ˗gɛngbandhɛ: ‹Mɛn ˈˈtɔŋdë ꞊dede mɛn ˗takun ˈˈtʋ̈ŋ ꞊gban ˈka.›—Proverbes 17:17.

 ˗Kɔ ˈü ˗dho ˗a kë ˗a ˈka kö ˈˈtɔŋdëdhɛ ˗së ˗yö ˈto kaa mɛn ˈˈwɛɛ ˗nu ka ꞊zinŋ ˈgü, ˈbha˗ pö ˈü˗ ˈbha dɔ, ˗bhö ˈwɔn ˗gɔ «La vie de famille et les amitiés» ˗wo pö.