January 27, 2023, noba yaga na leɛteɛrɛɛ a International Holocaust Remembrance Day. A potu-yɛlɛ ane yelfaare na naŋ e yuomo 75 naŋ pare na na baŋ vɛmeŋ ka ho piili teɛrɛ ka, bonso ka Naaŋmen da tere sori ka a Nazi gɔmenante na ko noba yaga zaa lɛ?

•   Ka hooŋ boɔrɔ ka ho nyɛ lɛ a Baabole naŋ yeli kyaare a yɛlɛ ŋa, kanne a yelzu ŋa, “Bonso Ka Naaŋmen Da Tere Sori Ka A Nazi Gɔmenante Na Ko Noba Yaga Zaa? Bonso Ka Naaŋmen Da Ba Pigi A Yɛlɛ Ŋa Sori?” (O be la Nansaalee kɔkɔre poɔŋ.)

 A Gyuu noba da di la dɔgɛɛ yaga a Nazi gɔmenante noba na nuuriŋ. Ba da maŋ mãã la ba menne a lagre a Gyuu noba zaa lantaa a pãã koorɔ ba bonyeni bonyeni. A Nazi noba da iree ba nimiri eŋ nemboorɔ mine meŋ, a da ko ba kpoŋ zie zaa. A noba ŋa mine da eɛ Jehoova Sieree Deme, ba da dɔgrɔ baŋ bonso ba da sagɛɛ a Baabole poɔ yɛlɛ di.

•   Ka hooŋ boɔrɔ ka ho zanne yɛlɛ yaga a kyaare a yɛlɛ ŋa, kanne a yelzu ŋa, “What Happened to Jehovah’s Witnesses During the Time of the Holocaust?” (O be la Nansaalee kɔkɔre poɔŋ.)

 Noba yaga zoree dabeɛ̃ ka a yɛlɛ ŋa tɔ na baŋ lɛ eŋ. Kyɛ a yɛlɛ noɔ̃ zie la ka, a Baabole vɛŋɛɛŋ teŋ baŋ peɛlaaŋ ka wagre kaŋa waanaŋ ka a yɛlɛ ŋa taa daaŋ koŋ lɛ e zaa.

•   “‘Bozuŋ maaŋ meŋɛ baŋɛɛ teɛrɛ N naŋ teɛrɛ a kyaare yɛ,’ Jehoova la yeli, ‘N teɛrɛɛ emmaaroŋ teɛrɛ kyaare yɛ, saammo teɛrɛ naane, ka N ko yɛ nendaare kaŋa naŋ soma ane teɛretɔ.’”​—Jeremaiya 29:11. a

 A teɛretɔ ŋa na nyɛɛ eebo saŋa na Jehoova Naaŋmen naŋ na wa iri yelfaare zaa bare, a kyɛ leɛ maale saammo na zaa yelfaare naŋ de waneŋ na. A koŋ kɔɔre Jehoova na:

•   Iree neŋfaare zaa naŋ maŋ dɔgrɔ ba taaba bare.​—Yeng Yelibie 2:22.

•   Dii la noba na zaa naŋ di dɔgɛɛ na sukyie.​—Yel-iriwulaa 21:4.

•   Seŋ noba naŋ kpi na ka ba iri yi kũũni poɔŋ a zeŋ a teŋɛzuŋ.​—Gyɔɔn 5:28, 29.

 Ho na baŋ dɛlɛɛ a teɛretɔ ŋa naŋ be a Baabole poɔŋ na kpɛlɛŋkpɛlɛŋ. Ka hooŋ boɔrɔ ka ho nyɛ bon nanso hoŋ na baŋ dɛle a Baabole, ho na baŋ toŋboɔle teŋ ka te wa ho zie ka te ne bo piili zanna a Baabole.