Yuoni 2023 poɔŋ, yɛlɛ naŋ erɛ a donɛɛ lombori zaa na wuleeŋ ka te sereŋ be la a donɛɛ “bebi-baaree saŋa.” (2 Timoti 3:1) Hooŋ nyɛ yɛlɛ na mine a Baabole naŋ yeli a yɛlɛ aŋ nyɛrɛɛ eebo zenɛ ŋa.

Yɛlɛ a Baabole naŋ yeli kyaare yɛlɛ naŋ na erɛ a donɛɛ lombori zaa

 “Zɔɔre yɛlɛ ane zɔɔre yɛlɛ ba naŋ moɔlɔ.”​—Matio 24:6.

•   “Zɔɔbilii nyɛrɛ nimitɔɔre gaabo a donɛɛ lombori zaa.” a

 “Teŋgbigre na erɛŋ ziiri yaga pooreŋ.”​—Marko 13:8.

•   “A piili yuoni 2023, teŋgbigre naŋ ta ŋa 13 la e, a e kpeɛŋaa pare magnitude 7 a donɛɛ lomboe mine. Saŋa na baŋ piili sɛgrɛ teŋgbigre yɛlɛ na, a teŋgbigre naŋ e a ziiri ŋa pooreŋ la e kpeɛŋaa gaŋ a zaa.” b

 “Dabeɛ̃ yɛlɛ.”​—Luka 21:11.

•   “Saŋa kaŋa naŋ pare te da maŋ yeleŋ ka a saluoni tolɛɛŋ yaga zaa, kyɛ pampana ŋa a saluoni maaleŋ tolɛɛŋ yaga zaa te gaali.”​—António Guterres, UN secretary-general. c

 “Kɔŋ kpoŋ.”​—Matio 24:7.

•   “2023: Noba yaga naŋ diree dɔgɛɛ yaga zaa ka ba kaa ba booree deme zu.” d

 “Zie na maaleŋ eɛ kpeɛŋaa yaga zaa.”​—2 Timoti 3:1.

•   “A yi noba banii zaa poɔŋ, ba poɔ neŋyeni maŋ taaɛ teɛroŋ gyɛre baaloŋ.” e

Bo yɛlɛ la teŋ kaara sori ka a na eŋ yuoni 2024 poɔŋ?

 Neɛzaa koŋ baŋ wuli boŋ naŋ na e yuoni 2024. Yɛlɛ naŋ erɛ wuleeŋ ka a koŋ kɔɔre Naaŋmen Naaloŋ na na waŋ, kyɛbee o sazu gɔmenante na na wa leɛrɛɛ nensaaleba gɔmenantere na zaa. Naaŋmen Naaloŋ na na iree dɔgɛɛ na zaa te dire na baare ane yɛlɛ naŋ maŋ waaneŋ a dɔgɛɛ meŋ.​—Daaniel 2:44; Yel-iriwulaa 21:4.

 Ka te naŋ wa tuoro yelkpeɛne, te naŋ baŋ puore sɔrɛɛ Jehoova ka o soŋ te. Lɛ a Baabole naŋ yeli:

 “Saŋa na dabeɛ̃ naŋ wa kpɛ ma, N maŋ de la N meŋɛ a dɛle bo.”​—Yieme 56:3.

 Wala teŋ na baŋ e a wuli ka te sagɛɛ Naaŋmen di? Te eŋnɛ boŋ faŋa ka ho zanne a Baabole a nyɛ noɔre na Naaŋmen naŋ eŋ ka nendaare kaŋa te ko la dire dɔgɛɛ na yɛlɛ. Ka hooŋ boɔrɔ ho na baŋ vɛŋ ka te ne bo zanne a Baabole zaala zaala. A Baabole zannoo na soŋɛɛ ho neŋ ho yideme ka yɛ nyɛ tɔnɔ yi a Baabole nɔ-ennee poɔŋ.