A yi a donɛɛ lombori zaa, zɔɔre waanɛɛ saammo yaga, ka lɛ vɛŋ ka noba yaga dire dɔgɛɛ haali. Kanne a duoro ŋa yɛlɛ nyɛ:

•   “A yi yuoni 1994 a wa ta yuoni 2022 kpakyagaŋ, Ethiopia ane Ukraine paaloŋ poɔŋ, noba yaga kɔŋ la ba nyɔvoɛ zɔɔre zuŋ.”​—Peace Research Institute Oslo, June 7, 2023.

•   “Yuoni 2022 poɔŋ, zɔɔre naŋ be Ukraine paaloŋ eɛ zɔɔre kaŋa naŋ nyɛrɛ nimitɔɔre gaabo yaga zaa. Agaaŋaazaa, yuoni naŋ pare, politics yɛlɛ vɛŋɛɛŋ ka zɔɔre be a donɛɛ lombori zaa aŋa 27%. A zɔɔre ŋa nyɛɛ kpeɛ̃o noba naŋ ta 1.7 billion zuŋ, a vɛŋ ka a noba ŋa zaa gboŋgboŋ zemmo yɛlɛ leɛre.”​— The Armed Conflict Location & Event Data Project (ACLED), February 8, 2023.

 A Baabole korɔ te teɛretɔ. A Baabole yeleeŋ ka, “a sazu Naaŋmen na na biŋ [la] naaloŋ kaŋa naŋ koŋ sãã zaa.” (Daaniel 2:44) Naaŋmen na tu la o Naaloŋ na, kyɛbee o gɔmenante na eŋɛŋ a vɛŋ “ka zɔɔre baare a tendaa lombori zaa.”​—Yieme 46:9.