Jehoova boɔrɔŋ ka popeɛloŋ be booree zaa poɔŋ. (Ym 127:3-5; Ik 9:9; 11:9) Kyɛ, a donɛɛ ŋa zu yelkpeɛne ane te booree deme gbɛ ŋmɛ na baŋ vɛmeŋ ka popeɛloŋ na teŋ taa na sãã. Boŋ ka te kaŋa zaa na baŋ e a vɛŋ ka popeɛloŋ maaleŋ be te booree na poɔŋ?

A serɛ seŋ ka o eŋnɛ o pɔge. (1Pi 3:7) O maŋ taaɛ wagre ko o pɔge. O ba maŋ kaara soriŋ ka a pɔge erɛ yɛlɛ naŋ gaŋ o faŋa. O maŋ puoree o pɔge bareka a kyaare yelzaa onaŋ erɛ koroo ane a booree deme. (Kl 3:15) O maŋ yele korɛɛ o pɔge ka o nɔnoo, a kyɛ pugiroo meŋ.​—Ye 31:28, 31.

A pɔge maŋ boɔrɛɛ soe oŋ na baŋ tu kyɛ sonnɔ o serɛ. (Ye 31:12) O maŋ sigree o meŋɛ koroo, a kyɛ are o puoreŋ a sonnoo. (Kl 3:18) O maŋ de la kɔkɔbaaloŋ yele yɛlɛ koroo, o ba yele o serɛ yelfaare korɔ noba meŋ.​—Ye 31:26.

Bidɔgreba maŋ taa la wagre ko ba biiri. (Du 6:6, 7) Ba maŋ yele korɛɛ ba biiri ka ba nɔnɔ baŋ. (Mt 3:17) Ka ba naŋ wa de dɛnnoo korɔ ba biiri, ba maŋ wuliŋ ka ba nɔnɔ baŋ a kyɛ teɛrɛ yɛlɛ meŋ gɛrɛ tɔɔre.​—Ef 6:4.

Biiri meŋ maŋ eŋnɛɛ ba dɔgreba, a kyɛ sagra ba nɔɛ meŋ. (Ye 23:22) Ba maŋ vɛmeŋ ka ba dɔgreba baŋ yɛlɛ naŋ be ba teɛroŋ ane ba sukyie poɔŋ. Ba maŋ sagɛɛ dɛnnoo yi ba dɔgreba zieŋ, a kyɛ wulo ba gyeremɛ meŋ.​—Ye 19:20.

KAA A VIDIO ŊA, VƐŊ KA POPEƐLOŊ BE HO BOOREE POƆŊ, KYƐ PÃÃ IRI A SOOREBIRI ŊA NOƆRE:

Bo ka ba kaŋa zaa e a vɛŋ ka popeɛloŋ be a booree poɔŋ?