Te naŋ e noba naŋ ba pɛgeyi na zuŋ, a maŋ e la kpeɛŋaa ka te zɔɔtoɔ̃ vɔlaa zaa teŋ taa. Ka teneeŋ boɔrɔ ka te erɛ yelzaa te naŋ boɔrɔ, te neŋ Jehoova niiloŋ na na baŋ sãã la. Aŋa mannoo poɔŋ, noba mine maŋ vɛmeŋ ka vɔlaa ba naŋ taa ko bondirii, bonsuurii, ane gaazie sãã nɔmmo na baŋ taa ko Naaŋmen na. Noba mine maŋ zagreŋ ka ba tu Naaŋmen bege na oŋ biŋ a kyaare peɛ̃mo toma na. (Ur 1:26, 27) Noba mine meŋ maŋ vɛmeŋ ka ba taaba fere ba baŋ erɛ yɛlɛ naŋ ba soma, bonso ba maŋ boɔrɔŋ ka ba taaba na nɔŋ ba yɛlɛ.​—Yi 23:2.

Wala teŋ na baŋ e a ta vɛŋ ka vɔlaa na teŋ taa na nyɛ kpeɛ̃o te zuŋ? Aseŋ ka te maŋ de te teɛroŋ eŋ yɛlɛ naŋ pɛlɛ Jehoova poɔ. (Mt 4:4) Ane meŋ, te na baŋ puore sɔrɛɛ Jehoova ka o soŋ te ka te zɔɔtoɔ̃ te vɔlaa na. Bonso aŋ seŋ ka te e lɛ? Ananso la ka, Jehoova baŋɛɛ yɛlɛ naŋ soma ko te, o na toɔ̃ vɛŋeŋ ka te nyɛ bonzaa te naŋ boɔrɔ sori naŋ seŋ neŋ poɔŋ.​—Ym 145:16.

KAA A VIDIO ŊA, TA TERE SORI KA SIGAARE NYUUBU SÃÃ BO, KYƐ PÃÃ IRI A SOOREBIE ŊA NƆƐ:

• Bonso ka noba mine maŋ nyuuro sigaare?

• Ka hooŋ nyuuro sigaare boŋ na baŋ pɔge bo?

• Bonso ka sigaare nyuubu ane nyoɔre tagebo ba soma?​—2Ko 7:1

• Ka neɛ kaŋaŋ boɔrɔ ka o fere bo ka ho nyu sigaare, wala hoŋ na baŋ e yelko o soba ka ai? Wala hoŋ na baŋ e bare sigaare nyuubu?