Te yɔɔpɔgeba na tonɛɛ tonkpeɛne yaga zaa a sonnɔ a Naaloŋ toma. (Ym 68:11) Ba neŋ noba yaga zannɛɛ a Baabole. A regular paaneere kpoŋ zie zaa e la pɔgeba. Te yɔɔpɔgeba turituri tonɛɛ toma Bɛɛtiliŋ, ka ba mine meŋ e misinaarehe, ka ba mine meŋ sonnɔ te meɛbo toma na, ba mine meŋ tonɛɛ te kɔkɔɛ leɛroo tomaziiri naŋ. Te yɔɔpɔgeba naŋ nyɛ nimitɔɔre gaabo siiloŋ poɔŋ maŋ sonnɛɛ ba booree ane a lantaapuoruu yaga zaa. (Ye 14:1) Aneazaa ka te yɔɔpɔgeba ŋa koŋ baŋ e a lantaapuoruu nembɛrɛ bee ba sonneba na mine, kyɛ ba na toɔ̃ de la yɛlɛ mine biŋ ba nimitɔɔreŋ a lantaapuoruu poɔŋ. Ka hooŋ e te yɔɔpɔge na kaŋa, bo yɛlɛ mine hoŋ na baŋ e a nyɛ nimitɔɔre gaabo?

• Mɔɔrɔ ka ho taa Kristabiiloŋ gyogri.—1Ti 3:11; 1Pi 3:3-6

• Sonnɔ te yɔɔpɔgeba naŋ be a lantaapuoruu poɔŋ a ba kyili siiloŋ poɔŋ na.—Ti 2:3-5

• Moɔ̃ nimiri a tonɔ a naaŋ moɔloo toma a kyɛ nyɛrɛ nimitɔɔre gaabo ho wulibo poɔŋ

• Zanne kɔkɔ yuo kaŋa

• Gaa zie ba naŋ boɔrɔ naaŋ moɔleba yaga te soŋ

• Ho na baŋ fiilɛɛ Bɛɛtil fɔɔm bee a te soŋ te puoruu ziiri meɛbo toma na

• Fiili a Naaloŋ Duore-Enneba Sukuu fɔɔm

KAA A VIDIO ŊA, “PƆGEBA NAŊ TONƆ TONKPEƐNE DAANA EŊƐŊ,” KYƐ PÃÃ IRI A SOOREBIRI ŊA NOƆRE:

• Sobuo ka yɛlɛ na te yɔɔpɔgeba ŋa kaŋa zaa naŋ yeli na eŋ bo faŋa?