Ombwa te̱ nje e makwalabe̱ jombwea ne̱ni badiedi bebasi bande̱ne̱ ba me̱ne̱no̱ bila o Ukre̱n:

•   “Pat’a ninde̱ne̱ Kirill, ńena ńe mulopo m’ebas’a Ortodo̱x o Rusia e si sai Rusia ońola ko̱ye̱ labu la Ukre̱n. . . . Ebas’ao e camane̱ myango ma mpoṅ te̱nge̱ne̱ Ukre̱n, mi myango pe̱ nde Putin a bolane̱no̱ ka njo̱m i matute̱le̱ o bila.”—EUobserver, 7 ma So̱ṅe̱ 2022.

•   “Pat’a ninde̱ne̱ Kirill . . . e masue̱le̱ ná bwē ná ekombo’ao e te̱nge̱n o ko̱ye̱ Ukre̱n—ná be bila be nde mbadi po̱ ńa janane̱ bobe.”—AP News, 8 ma So̱ṅe̱ 2022.

•   “O buńa ba Mo̱su, Epiphanius I ńena ńe Mudied’ebas’a Ortodo̱x o Ukre̱n o Kyiv, a namse̱ bato ná ‘bane bila te̱nge̱ne̱ bato ba Rusia ba mako̱ye̱ babo̱’ . . . [A] kwali pe̱ ná bwa la sonj’a Rusia di titi bola la bobe.”—Jerusalem Post, 16 ma So̱ṅe̱ 2022.

•   “Biso̱ [(UCCRO)] di masue̱le̱ milo̱ṅ ma bila ma Ukre̱n na bato be̱se̱ ba mane̱ o lingea ekombo asu. Di masesa miwe̱n ba mapo̱ngo̱no̱ o lingea Ukre̱n te̱nge̱ne̱ musingedi, di makane̱ pe̱ ońol’abu.”—Byala ba UCCRO a, 24 ma Ngo̱nde̱ 2022.

 O mo̱nge̱le̱ ná nje e? Mo̱ e te̱nge̱n ná bebasi be makwale̱ ná be mabupe̱ Yesu Kristo be tute̱le̱ bebon babu o jana bila e? Nje Bibe̱l e makwalano̱ e?

Myango ma bebasi o bila

 Myango mi malee̱ ná ngedi jita bebasi be tute̱le̱ bato o wala o bila, be sue̱le̱ na mo̱me̱ne̱ bila to̱ná be makwalano̱ ná be mapulise̱ musango. Ye mimbu jita we̱nge̱, Mboṅ a Yehova yeno̱ o sambwe̱le̱ mawo̱ndo̱n ma bebasi. Jombweye byembilan bō̱ be o kalat’asu.

•   “Les croisades: une ‘illusion tragique’” e malee̱ ne̱ni ebas’a katolik ya Roma yeno̱ ombusa ebwan ende̱ne̱ e bolan o dina la Loba na la Kristo.

•   “L’Église catholique en Afrique” e mabola eyembilan ewo̱ ya ne̱ni ebasi e s’ekino̱ bila oteten a matumba maba o mulemlem m’ekombo, to̱ mo̱me̱ne̱ ebwan ende̱ne̱ nik’e wanno̱.

•   Tema “La religion est-​elle responsable ?,” “Le rôle de la religion dans les guerres,” na “La religion prend parti” i mateleye̱ ne̱ni badiedi ba bebasi ba Katolik, Ortodo̱x na Protestan ba sue̱le̱no̱ bila jita o midi mibane̱.

Mo̱ bebasi be makwale̱ ná be nde ba Kristo bangame̱n sue̱le̱ bila e?

 Nje Yesu a lee̱no̱: “To̱ndo̱ munaso̱ngo̱ ka wame̱ne̱.” (Mateo 22:39) “To̱ndo̱ basingedi bańu.”—Mateo 5:44-47.

 Nje Yesu a kwalino̱: “Janea lam di titi la nin wase. Janea lam di be̱ te̱ la nin wase, ke̱ baboledi bam nde ba wusa jane̱ ná na si bakabe̱ o mā ma Bonayuda.” (Yohane 18:36) “Be̱se̱ ba mano̱nge̱ po̱ ba mawo̱ nde na po̱.”—Mateo 26:47-52.

 Dutea te̱: Kriste̱n i si ta te̱ yangame̱n jana o tata Yesu, mo̱ yangame̱n no̱ngo̱ bewesan ba bila ońola njo̱m nipe̱pe̱ e? Langa tema “Peut-​on concilier guerre et christianisme ?” o je̱ne̱ ne̱ni botea o bebaedi kriste̱n a jemea i bupe̱no̱ eyembilan a Yesu na belēdi bao.

Nje e me̱nde̱ po̱ye̱ bebasi be masue̱le̱ bila e?

 Bibe̱l e malee̱ ná Loba a si makasa bebasi be makwale̱ ná be nde ba Kristo nde ke̱ be si mabupe̱ belēdi bao.—Mateo 7:21-23; Tito 1:16.

•   Kalat’a Bebīsedi e malee̱ ná ońola Loba be bebasi nde be ombusa kwed’a “be̱se̱ ba kusi kwed’a konjo o wase.” (Bebīsedi 18:21, 24) O bia njo̱m a nika, langa tema “Qu’est-ce que Babylone la Grande ?”

•   Yesu a lee̱ ná bebasi be̱se̱ Loba a si makasano̱ be me̱nde̱ ńamsabe̱ ońola bebolo babu ba bobe, ka nje te̱ bwele ba bobe bwena bo maye̱ bepuma ba bobe ‘bo make̱be̱no̱, bo pimbabe̱ o wea.’ (Mateo 7:15-20) Langa tema “Su la ebasi e kwedi le be̱be̱!” o jokwa ne̱ni nik’e me̱nde̱no̱ bolane̱.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images