Mo̱ njo ninde̱ne̱ e me̱nde̱ bo̱ buńa bō̱ e?
Myuedi mi yo̱ki baisabe̱ ponda ye̱se̱ ombusa eboled’a njo ninde̱ne̱ ewo̱ me nde ná: ‘Mo̱ ne̱ni Loba a me̱ne̱no̱ nika e? Ońola nje yi ńai a mambo i mabolane̱no̱ e? Mo̱ njo ninde̱ne̱ a e me̱nde̱ bo̱ buńa bō̱ e? Ne̱ni lembe̱ bo bo̱ngo̱ e?’ Bibe̱l e mabola malabe̱ me mbaki ońola mi myuedi.
Ne̱ni Loba a me̱ne̱no̱ njo ninde̱ne̱ e?
Loba a singe̱ mańakisan na njo ninde̱ne̱. (Myenge 11:5; Minia 6:16, 17) Yesu, nu mato̱pe̱ o dina la Loba pe̱, a domedi bokwedi bao ponda ńena ba bolane̱no̱ njo. (Mateo 26:50-52) Bato bō̱ ba makwala ná o dina la Loba nde ba mabolano̱ mambo ma njo ninde̱ne̱, nde Loba a si do̱lisane̱ beboledi babu. Mbale̱ ńe nde ná a si masenga to̱ mo̱me̱ne̱ mika mabu.—Yesaya 1:15.
Loba a mombwea be̱se̱ bena ba matake̱, name̱ne̱ pe̱ na ba bena ba matake̱ ońola njo ninde̱ne̱. (Myenge 31:7; 1 Petro 5:7) Bibe̱l e makwala pe̱ ná Loba a me̱nde̱ bo̱le̱ njo.—Yesaya 60:18.
Njo̱m a mom ni mawane̱ njo ninde̱ne̱
Bibe̱l e malangwa njo̱m a mom ni mawane̱ njo: ‘Mō̱ a manea nune̱ o sebea mo̱ mbeu a ńolo.’ (Mulangwedi 8:9) O ponda ye̱se̱, bato ba benama bena ba be̱n ngińa ba mabolane̱ njo ninde̱ne̱ o banda bane̱. O mune̱ mudi pe̱, bane̱ ba mabolane̱ njo ninde̱ne̱ o janane̱ babo̱.—Mulangwedi 7:7.
Su la njo ninde̱ne̱
Loba a kakane̱ ná a me̱nde̱ bo̱le̱ bo̱ngo̱ na njo ninde̱ne̱, a wana musango o wase. (Yesaya 32:18; Mika 4:3, 4) A me̱nde̱:
Sumwa njo̱m a mom ni mawane̱ njo ninde̱ne̱. Loba a me̱nde̱ sumwa manea ma bato, a wana janea lao. Mwaned’a di janea, Yesu Kristo, a me̱nde̱ lee̱le̱ be̱se̱ bena ba me̱nde̱ be̱ owas’a di janea te̱me̱ la sim, a sumwa pe̱ mabandan na matusan na njo. (Myenge 72:2, 14) O ni ponda, to̱ moto a si me̱nde̱ pe̱ bola njo ninde̱ne̱. Bato ba me̱nde̱ ‘kusa njoaso’a munam.’—Myenge 37:10, 11.
Bo̱lise̱ bebango be̱se̱ njo ninde̱ne̱ e wanno̱. Loba a me̱nde̱ bo̱lise̱ bato ba benama na bebango be̱se̱ bena njo ninde̱ne̱ e wanno̱, e be̱ bebango b’eyobo to̱ ba mulema. (Yesaya 65:17; Bebīsedi 21:3, 4) A kakane̱ na mo̱me̱ne̱ ná a me̱nde̱ pumbwe̱le̱ bawedi, a timbise̱le̱ pe̱te̱ babo̱ longe̱ o wase ńe musango.—Yohane 5:28, 29.
Bibe̱l e mabola biso̱ njo̱m i bam o dube̱ ná son a ponda Loba a me̱nde̱ bola nika. Nde moto e ná a baise̱ ná, ‘Ońola nje Loba a si bedino̱ bo̱le̱ njo ninde̱ne̱ nate̱na tatan e?’ Ná o so̱ jalabe̱, ombwa sinima Ońola nje Loba a mese̱le̱no̱ ná take e be̱ e?
a O ponda ye̱se̱ ba mabolane̱ nde eyal’a “njo ninde̱ne̱” o kwalea ońola bolane̱ la njo to̱ musemako munde̱ne̱—tobotobo te̱nge̱ne̱ bato—o bwese̱ babo̱ bo̱ngo̱ o bwam ba tukwa bete̱medi bō̱ ba politik, b’ebasi to̱ ba longe̱ la bato o ekombo. Nde ponda iwo̱ bato ba si yo̱ki be̱ne̱ jo̱nge̱le̱ diwo̱ o kwala nga ebol’ed’a njo ewo̱ yangame̱n o langabe̱ ka njo ninde̱ne̱ to̱ ke̱m.
We pe̠ ná o to̠ndo̠...
TEMA IPE̱PE̱
Ne̱ni bola ná mutaka mu si ńo̱so̱ wa
Njika malea ma bwam na bepasi ba Bibe̱l ba mongwane̱ wa o lo̱ko̱ mutaka mo̱ngo̱ e?
TEMA IPE̱PE̱
Dipita la mbale̱ ońola kie̱le̱ ni maye̱ ńa bwam
Ońola nje makaki me o Bibe̱l meno̱ diwengisan jita na makaki mena bato ba mabolano̱ e?
NJONGO A BETATEDI
Nje Janea la Loba di me̱nde̱no̱ bola e?
Yesu a ta a bia ná Janea la Loba buka te̱ nde je ná di bo̱le̱ mitakisan o wase. Nje di Janea di mábolano̱ e mabole̱ biso̱ mbaki e?
ESSENTIAL BIBLE TEACHINGS
Ońola nje Loba a mese̱le̱no̱ take e?
Bato jita ba mabaise̱ ońola nje wase e londino̱ na bosinga na take. Bibe̱l e mabola jalabe̱ di malo̱ke̱ na di mabwesane̱ muńe̱nge̱.
