LONGE̱ LA KRISTE̱N
A bayedi, bińo̱ ongwane̱ bana bańu o be̱ne̱ dibie̱ la Loba
Mbadi po̱ ni peti bayedi beno̱ ná bongwane̱ bana babu o be̱ne̱ dibie̱ la Loba ńe nde jongwane̱ babo̱ o busane̱ tombwane̱ o ndongame̱n a kriste̱n. Nje beso̱mbe̱ be me̱ne̱no̱, be masengano̱ o ndongame̱n, na malabe̱ be mabolano̱ ye ná yongwane̱ babo̱ o jokwa bia Yehova na timba pe̱ diko̱m lao la batabata. (Ndim 31:12, 13) We te̱ muyedi, ne̱ni weno̱ ná wongwane̱ mun’ango̱ o bata busane̱ tombwane̱ o ndongame̱n e?
-
Bola me̱se̱ ná wukeye o ndongame̱n boso na boso.—Mye 22:23
-
Bola ná o tombise̱ ponda na bonasango na bonańango o Ndabo a Janea oboso na ombusa ndongame̱n.—Bon 10:25
-
Bakise̱ ná elong’a mbia te̱ e be̱n kalati beno̱ bolane̱ o ndongame̱n, e be̱ o telefon, o tafe̱l to̱ o dipapa
-
Ongwane̱ mun’ango̱ o boṅsane̱ jalabe̱ na byala ba mo̱me̱ne̱.—Mt 21:15, 16
-
To̱po̱ mambo ma bwam jombwea ndongame̱n na belēdi di makusano̱ oten
-
Ongwane̱ bana bo̱ngo̱ o no̱ngo̱ dongo o mambo ka sangise̱ la Ndabo a Janea na kwala na bonasango na bonańango ba mákokwe̱ mimbu ba mwemba
Jongwane̱ la bana bańu o sisea be̱be̱ na Yehova di mabaise̱ ebolo jita, ponda iwo̱ pe̱ nika ńe ná e baise̱ ngudi jita. Nde, bińo̱ le ná lo be̱ mbaki ná Yehova a me̱nde̱ jongwane̱ bińo̱.—Yes 40:29.
OMBWA SINIMA A BAYEDI, BIŃO̱ LAKISANE̱ YEHOVA NA NGIŃ’AO, DE̱NGE̱ O MALABE̱ MIN MYUEDI:
-
Njika ngińa wo̱lo̱ di tano̱ di be̱ne̱ omo̱ń Zack na Leah e?
-
Ońola nje bayedi bangame̱nno̱ kane̱ Yehova ná ba kuse ngińa e?
-
Ne̱ni Zack na Leah ba se̱medino̱ na Yehova ná ba we̱le̱ tongwe̱le̱ e?
