Mabandan me ná ma bo̱bise̱ biso̱ o mbad’eyobo, ma bwe̱se̱ pe̱ biso̱ ndutu. Me pe̱ ná ma bo̱bise̱ biso̱ o mbad’a mudī, yete̱na di bo bo̱ngo̱ ke̱ ba mate̱nge̱ne̱ jowe̱ lasu. Ne̱ni weno̱ ná o tata wame̱ne̱ na mubandedi e?

Jita la baboledi ba Yehova ba we̱li te̱nge̱ne̱ mubandedi ońolana ba se̱me̱ye̱ na Yehova. (Mye 18:18) K’eyembilan, Este̱r a to̱pi o bwam ba sambwe̱le̱ mwano ma bobe ma mubandedi mō̱ nu ta nu belabe̱ ná Haman. (Es 7:1-6) Obiana a mabola nika, a lee̱le̱ ná a mase̱me̱ye̱ nde na Yehova tongwea na kandane̱ la da. (Es 4:14-16) Yehova a namse̱ nje a bolino̱; a tata mo̱ na tumba lao pe̱.

A beso̱mbe̱, yete̱na bińo̱ le o lembe̱ mabandan ma moto, baise̱ Yehova ná ongwane̱ bińo̱ lo langweye pe̱ moto ńou y’ekwali, k’eyembilan sango ańu to̱ ńango ańu. We ná o be̱ mbaki ná Yehova a me̱nde̱ jongwane̱ wa ka nje te̱ ongwane̱no̱ Este̱r. Nje epe̱pe̱ weno̱ ná o bola ná o lembe̱ mabandan e?

OMBWA SINIMA LONGE̱ LA BESO̱MBE̱—NE̱NI TE̱NGE̱NE̱ MUBANDEDI E? DENGE̱ O MALABE̱ MYUEDI MI MABUPE̱:

• Nje beso̱mbe̱ ba bato beno̱ ná bokwa na byembilan ba Charlie na Ferin e?

  Jalabe̱ lo̱ngo̱

• Njika belēdi bayedi beno̱ ná ba busane̱ o malabe̱ mena Charlie na Ferin ba bolino̱ jombwea jongwane̱ la bana o te̱nge̱ne̱ mubandedi e?

  Jalabe̱ lo̱ngo̱