Ponda jeno̱ po̱ngo̱ mape̱pe̱le̱ to̱ tombise̱ mokwa ma Bibe̱l, jangame̱n jongwane̱ bato o so̱ṅtane̱ mato̱ti ma mweńa. Di bolane̱ te̱ byembilan o bonde̱ ma mato̱ti, je ná di tapa milema ma bato ba masengane̱ biso̱ di bola pe̱ ná bo̱nge̱le̱ nje bokono̱ na bo̱bise̱ la ńolo.

Ponda weno̱ boṅsane̱ pe̱pe̱le̱ to̱ jokwa la Bibe̱l, po̱so̱ mato̱ti ma mweńa, seto̱ masadi, mena o me̱nde̱no̱ bonde̱. Nde o po̱se byembilan be se̱medi o longe̱ la buńa te̱. (Mt 5:14-16; Mr 2:21; Lu 14:7-11) Ombwea bete̱medi ba moto weno̱ kwalisane̱ na nje a mabolano̱ o longe̱. (Lu 5:2-11; Yoh 4:7-15) Ponda o me̱ne̱no̱ miso̱ mao ma mapańa ońolana a so̱ṅtane̱ to̱ti, o mabwa muńe̱nge̱.

OMBWA SINIMA BWA MUŃE̱NGE̱ MA TIMBISE̱ BATO BOKWEDI—BATA BE̱ JANGWA—BOLANE̱ BYEMBILAN O BONDE̱ MATO̱TI MA MWEŃA, DENGE̱ O MALABE̱ MIN MYUEDI:

• Ońola nje e mapulano̱ bato ba mokwe̱ Bibe̱l jongwane̱ ná ba so̱ṅtane̱ bepasi ba Bibe̱l e?

• Ne̱ni Nita a bonde̱no̱ mbale̱ ni maso̱be̱ o Roma 5:12 e?

• Ne̱ni byembilan ba bwam beno̱ ná be tapa basengedi basu e?

• O ebol’asu ya dikalo, ońola nje jangame̱nno̱ bolane̱ sinima na bene̱ belongisan ba belēdi bebokedi ba Yehova be bolino̱ biso̱ e?