Kana di titino̱ ke̱nge̱nge̱, jangame̱n ná janane̱ bepuledi basu ponda ye̱se̱. Jese̱le̱ te̱ ná mo̱ nde baneye biso̱, je ná di bo̱lo̱ne̱ nded’a Yehova. K’eyembilan bato bō̱ ba to̱ndi da, bebo̱tedi na be̱ne̱ la milongi buka Loba. Bane̱ ba mabolane̱ belongi babu ba yadi o mbadi ni mate̱nge̱ne̱ bete̱sedi ba Loba. (Ro 1:26, 27) Bape̱pe̱ pe̱ ba mese̱le̱ ná bane̱ ba be̱ne̱ ngińa omo̱ń abu ońolana ba mapula ná bemeye babo̱.—Bbu 23:2.

Ne̱ni jeno̱ ná janea bepuledi basu e? Jangame̱n bola me̱se̱ na me̱se̱ ná jombweye nde mambo ma mudī. (Mt 4:4) Jangame̱n pe̱ kane̱ Yehova ná ongwane̱ biso̱ o janea bepuledi basu. Ońola nje e? Ońolana a bi nje ye bwam ońol’asu a bi pe̱ ne̱ni londise̱ mpuli masu.—Mye 145:16.

OMBWA SINIMA O S’ESE̱LE̱ NÁ LONGE̱ LO̱NGO̱ DI BO̱ KA ITUTU, DENGE̱ O MALABE̱ MYUEDI MI MABUPE̱:

• Ońola nje bato bō̱ ba mańo̱no̱ sika e?

• Nje ńo̱ la sika leno̱ ná di wanea wa e?

• Ońola nje ńo̱ la sika na duta la mùdi ma sika beno̱ bobe e?—2Ko 7:1

• Ne̱ni weno̱ ná o banga ńo̱ la sika to̱ jese̱le̱ y’ede̱mo e?