Nje e ko̱ye̱ Bonaisrael o sanj’a Moab ye nde eyembilan e mabole̱ kriste̱n jome̱le̱. (1Ko 10:6, 8, 11) Bato ba Israel bena ba lati na bito ba Moab o wite̱ musonje na jowe̱ pe̱ maloba mabu ba ta nde ba lo̱ndo̱be̱ o bola bobe bonde̱ne̱. Nik’e wan nde dibumbe dinde̱ne̱. (Mis 25:9) Di dingabe̱le̱ na mako̱m m’ebolo, m’esukulu, myoyo ma mboa, mbia na beko̱lo̱ngo̱n bena ba si mowe̱ Yehova. Nje min myango ma Bibe̱l mi malee̱no̱ biso̱ jombwea mambo ma bobe me ná ma ko̱ye̱ biso̱ ke̱ di lati na bato ba si mowe̱ Yehova e?

OMBWA SINIMA BYEMBILAN BE MABOLE̱ BISO̱ MOME̱LE̱—ESUNGU, DENGE̱ O MALABE̱ MIN MYUEDI:

• Njika jo̱nge̱le̱ la mpenga Simri na bane̱ ba wanedino̱ Yamin e?

• Ne̱ni Pinehas ongwane̱no̱ Yamin o be̱ne̱ je̱ne̱ la mambo di te̱nge̱n e?

• Njika diwengisan le oteten a be̱ muyao na moto nu si maboleye̱ Loba na be̱ diko̱m lao e?

• Ońola nje jangame̱nno̱ be̱ jangwa ke̱ di mapo̱so̱ mako̱m masu ma batabata to̱ e be̱ nde oteten a mwemba e?

• Ońola nje di s’angame̱nno̱ so̱lo̱ o milongwa ma bekwali o internet na bato di si bino̱ e?