Kalati nisadi Sengane̱ Loba e boṅsane̱be̱ nde o bwam ba jokwe̱le̱ ba bolanga bweno̱ ndutu mbal’a Bibe̱l ya bosoboso tongwea na bedinge̱dinge̱. Jokwa te̱ le nde mapapa maba, di bambe̱ pe̱ bedinge̱dinge̱ be po̱so̱be̱ bwam na nke̱ti mi madie̱le̱ ekwali wa o edinge̱dinge̱ ewo̱ wala yene̱.

Kalati nisadi Sengane̱ Loba ná o be̱ longe̱ o bwindea e be̱n mulemlem ma bedinge̱dinge̱ kana Sengane̱ Loba, nde na matila jita; ńe ná e we̱le̱ bolane̱ na bautu bena ba bi bolanga son. Bate̱ dikalo ba yo̱ki to̱ndo̱ bolane̱ mo̱ ka kalat’a mulēdi nde bautu babu ba bolane̱ Sengane̱ Loba. Jita la mapapa di be̱n edinge̱l’a belēdi ba mbata beno̱ ná bombwea, bupisane̱ ngud’a mūtu.

We ná o bola to̱ njika mo̱ ńa ni kalati o to̱ njika ponda nde, to̱ e be̱ nde ná e titi kalati ni mabolabe̱ mu mo̱di. Ponda weno̱ tombise̱ jokwa, bolane̱ bedinge̱dinge̱ o tele̱ye̱ myango ma Bibe̱l. Baise̱ myuedi o bola ná mūtu a no̱nge dongo o ekwali, o be̱ pe̱ mbaki ná e o so̱ṅtane̱. Langa na kwalea pe̱ bepasi ba Bibe̱l be owas’a dipapa te̱. Ombusa bińo̱ bo̱le̱ jokwa la ni kalati nisadi ńe̱se̱, no̱ngo̱ Nje Bibe̱l e mokwe̱le̱no̱ biso̱ e? o jongwane̱ mūt’ango̱ ńa jokwa o ńaka nate̱na o dubise̱.