Ná bokwe̱ Bibe̱l ba londise̱ ńo̱ng’abu ya mudī ba ńake pe̱ o be̱ bato bou o mbad’a mudī, ba s’angame̱n suea o mbale̱ di malee̱no̱ babo̱. (Mt 5:3; Bon 5:12–6:2) Bangame̱n pe̱ jokwa ne̱ni dese̱ babo̱me̱ne̱ o mbad’a mudī.

O bebotedi, lee̱ bokwe̱ Bibe̱l na wa ne̱ni boṅsane̱ jokwa labu, wome̱le̱ pe̱ babo̱ o walane̱ nika oboso. (mwb18.03 6) Ome̱le̱ babo̱ ná ba se̱le̱ kane̱ ponda te̱ ba mapulano̱ jokwa Bibe̱l na babo̱me̱ne̱. Ongwane̱ babo̱ o be̱ne̱ na o bolane̱ belongisan ba jokwa bena be o musinga. Teleye̱ babo̱ ne̱ni so̱ nje ye peńa o jw.org na o JW Elimb’a bedinge̱dinge̱^®. Lee̱ babo̱ son na son ne̱ni langa Bibe̱l buńa te̱, ne̱ni boṅsane̱ ndongame̱n, na ne̱ni wasa malabe̱ ma myuedi ba be̱nno̱. Ongwane̱ babo̱ o dutea ońola mambo ba mokwano̱.

OMBWA SINIMA ONGWANE̱ BAUTU BO̱NGO̱ BA JOKWA LA BIBE̱L O DESE̱ BABO̱ME̱NE̱ O MBAD’A MUDĪ, DENGE̱ O MALABE̱ MYUEDI MI MABUPE̱:

• Ne̱ni Nita ongwane̱no̱ Rosa o so̱ṅtane̱ ná jokwa di titi so̱ la malabe̱ buka te̱ e?

• Nje yongwane̱ Rosa o be̱ mbaki ná Yehova a te̱nge̱n o banga musonje e?

• Nje Rosa a timbino̱ so̱ṅtane̱ jombwea dutea e?