Lee̱le̱ ndolo
Nje ye njo̱m
Mo̱nge̱le̱ ma ndando ma si mapomane̱ bo̱. Kana bo̱lise̱ la diboa di mabaise̱no̱ ponda na miwe̱n, nika pe̱ nde e mapulano̱ ponda na miwe̱n o buka ndando. Nje weno̱ ná o bola ná o dubwe ndando o mulema mo̱ngo̱ e?
Bete̱sedi ba Bibe̱l
“Bo̱to̱ ndolo ńena ńe jalatane̱ la ke̱nge̱nge̱.”—KOLOSE 3:14.
Nika ńe nde ná nje e? Lee̱le̱ la bane̱ muyao di mawana jalatane̱. Ná o mabengano̱ lee̱le̱ bane̱ ndolo, ná pe̱ nde mo̱nge̱le̱ mo̱ngo̱ ma ndando ma mawo̱ye̱no̱. Ná o mabengano̱ to̱ndo̱ bane̱, ná pe̱ nde bosinga bo si mabe̱ne̱no̱ pe̱ epolo o mulema mo̱ngo̱.
Nje weno̱ ná o bola
Dutea mambo weno̱ ná o bola o lee̱le̱ pat’a bato po̱ o be̱nedino̱ mo̱nge̱le̱ ma bobe ndolo. E si mapula ye̱ke̱i te̱ ná ma be̱ nde mambo mande̱ne̱. Keka bola mō̱ ma man:
Na ebol’a ndolo esadi te̱, o mabenga panda etum na ndando
Lee̱le̱ ni pat’a bato bede̱mo ba bwam; k’eyembilan tele̱ye̱ mō̱ ńabu jo̱mbe̱, to̱ bola mo̱ boja bo̱ngo̱ ke̱ we o bus.
Keka botea ekwali na babo̱, to̱ e be̱ nde ná ba si mato̱po̱ eyem’ango̱ bwam.
Be̱ we̱lisane̱ ke̱ ba boli lambo lena o si maso̱ṅtane̱no̱.
Lee̱le̱ ndedi niponda beno̱ langwea wa mitakisan ba be̱nno̱.
