Yehova a mapula ná di bie mbia mao mwe o mo̱ń. Ange̱l ye nde belongi ba mu mbia; ońola nika nde i mabelabe̱no̱ ná “bana ba Loba.” (Hiob 38:7) Nje Bibe̱l e makwalano̱ jombwea ange̱l e? Njika ngińa i be̱nno̱ omo̱ń a bato e? Mo̱ ange̱l ye̱se̱ nde ye belongi ba mbia ma Yehova e?

1. Ba nja be ange̱l e?

Yehova a weki ange̱l obiana a maweka wase. Kapo̱ ka mo̱, ye nde midī mi si me̱ne̱ne̱, i maja pe̱ nde o mo̱ń. (Bonahebe̱r 1:14) Muso̱ngi ma ange̱l mwe lodun na lodun, po̱ te̱ ńe pe̱ diwengisan na yine̱. (Bebīsedi 5:11) I “malondise̱ byanedi” ba Yehova, i “masengane̱ pe̱ doi lao.” (Myenge 103:20) O pond’a kwaṅ, Yehova a bolane̱ ange̱l ponda iwo̱ o lomea baboledi bao mye̱ndi, na o jongwane̱ na sunga pe̱ babo̱. We̱nge̱, ange̱l i madie̱le̱ kriste̱n omboa bato bena ba be̱n ńo̱ngi o jokwa bia Loba.

2. Ba nja be Satan na midī mao ma bobe e?

Ange̱l iwo̱ i si tiki be̱ Yehova jemea. Ange̱l a boso ni lee̱le̱ pamo ńe nde ni “ni belabe̱ ná Diabolo na Satan ńena ni malo̱nde̱ wase ńe̱se̱.” (Bebīsedi 12:9) Satan a puli janea bane̱, a tute̱le̱ so̱ Adam na Eva na ange̱l ipe̱pe̱ ombusa ponda, o kwe̱me̱ Yehova. Yi ange̱l ya pamo i mabelabe̱ ná midī ma bobe. Yehova a pangi mo̱ o mo̱ń a loma mo̱ o wase, i me̱nde̱ pe̱ ńamsabe̱ son a ponda.—Langa Bebīsedi 12:9, 12.

3. Ne̱ni Satan na midī ma bobe ba makekano̱ o wo̱ndo̱ biso̱ e?

Satan na midī ma bobe ba mawo̱ndo̱ jita la bato tongwea na jowe̱ la midī ma bobe, lena le nde wasa la be̱ne̱ mulatako na midī ma bobe. K’eyembilan, bato bō̱ ba mala omboa balange̱ ngengeti, bato ba ngambi, bato ba miso̱ mane̱i na bato ba myanga. Bape̱pe̱ ba mawasa myanga mye mulatako na jowe̱ la midī ma bobe. Bato bō̱ pe̱ ba dube̱ ná be ná ba kwalisane̱ bawedi. Nde Yehova a mome̱le̱ biso̱ ná: “Lo si yo̱mbo̱ o ngambi to̱ na bato ba miso̱ mane̱i.” (Levitiko 19:31) A boli nde biso̱ din jome̱le̱ o tata biso̱ ná di si ko̱ o lambi la Satan na midī ma bobe̱. Be nde basingedi ba Loba, ba mapula pe̱ bolane̱ biso̱ bobe.

 ALA O NJIBA

6. We ná o buka Satan na midī mao ma bobe

Midī ma bobe mi madiabe̱le̱ nde na Satan. Nde ange̱l ya jemea i madiabe̱le̱ nde na mwaned’a ange̱l, Mikael, nika ńe nde dina la Yesu dipe̱pe̱. Nate̱na o njika dikala Mikael eno̱ ngińa e? Langa Bebīsedi 12:7-9, nde lo kwaleye pe̱ ońola min myuedi:

• Ba nja ba buki bane̱ ngińa e? Mikael na ange̱l ao nga Satan na midī mao ma bobe e?

• Mo̱ o mo̱nge̱le̱ ná bokwedi ba Yesu bangame̱n bwa Satan na midī mao ma bobe bo̱ngo̱ e?

We ná o buka o bwemba te̱nge̱ne̱ Satan na midī mao ma bobe. Langa Yakobo 4:7, nde lo kwaleye pe̱ ońola min myuedi:

• Ne̱ni weno̱ ná o tata wame̱ne̱ na Satan na midī ma bobe e?

 EBONGOLO

Ange̱l ya jemea i mongwane̱ biso̱. Satan na midī mao ma bobe be nde basingedi ba Yehova, ba mabolane̱ pe̱ jowe̱ la midī ma bobe o wo̱ndo̱ bato.

Ndimbisedi

• Ne̱ni ange̱l a Yehova i mongwane̱no̱ bato o bia mo̱ e?

• Ba nja be Satan na midī mao ma bobe e?

• Ońola nje o si mapulano̱ be̱ne̱ mulatako to̱ mō̱ na jowe̱ la midī ma bobe e?