DONGO 14
Bonde̱ la mom ma mato̱ti
Bonahebe̱r 8:1
O PATAPE̱M: Ongwane̱ basengedi ná ba bupe̱ wa o ekwal’ango̱, bola pe̱ ná be̱ne̱ bwambwam ne̱ni mom ma to̱ti te̱ mu latino̱ na boso b’ekwali name̱ne̱ pe̱ na nje o mengane̱no̱ babo̱ n’ekwal’ango̱.
NE̱NI BOLA NIKA:
-
Te̱se̱ nje o mengane̱no̱ basengedi bo̱ngo̱. Wasa bia nga ekwal’ango̱ e mapula nde bīse̱ lambo, nga bola ná bato ba dube̱ lambo to̱ tute̱le̱ babo̱ o bola lambo, nde o longe mo̱ bupane̱ nika. Bola ná mom ma mato̱ti me̱se̱ mongwane̱ wa o po̱ o di su.
-
Bonde̱ boso b’ekwal’ango̱. Tuba boso b’ekwali o bwambo bo̱ngo̱ ponda na ponda te̱ na timbise̱le̱ la byala bao ba mweńa, to̱ bolane̱ la byala be be̱n mulemlem ma janda na byala ba mweńa ba boso b’ekwali.
-
Bola ná ba so̱ṅtane̱ mom ma mato̱ti na dibo̱bi. Po̱so̱ nde buka te̱ mom ma mato̱ti mena me mulatako na boso b’ekwal’ango̱, weno̱ pe̱ ná o teleye̱ bwam o pambo a ponda ni bolabe̱ wa. O si bolane̱ jita la myom ma mato̱ti, bīse̱ diwo̱ te̱ ná se̱ṅse̱ṅ, soa we̱i obiana o matomba o to̱ti dipe̱pe̱, die̱le̱ basengedi bo̱ngo̱ ná yō̱, jasumwe̱ o to̱ti diwo̱ wala o dine̱.
