DONGO 2
Doi ońol’ekwali
2 Korinto 2:17
O PATAPE̱M: To̱po̱ na doi o yabane̱no̱, na iwiye̱ o ńai ni malee̱ ne̱ni y’ekwali e matapano̱ wa na ne̱ni o me̱ne̱no̱ basengedi bo̱ngo̱.
NE̱NI BOLA NIKA:
-
Kane̱, o boṅsane̱ pe̱ wame̱ne̱ bwam. Kane̱ Loba ná ongwane̱ wa ná o bole ná bombweye nde mwe̱ndi mo̱ngo̱ seto̱ wame̱ne̱. Ne̱nge̱ mom ma mato̱ti wangame̱nno̱ tombe̱le̱ o mo̱nge̱le̱. Langwa mambo na byala ba wame̱ne̱; o si tuba byala be tilabe̱ o dipapa, eyala ewo̱ ombusa yene̱.
-
To̱po̱ na mulema. Dutea njo̱m ońola nje basengedi bo̱ngo̱ bangame̱nno̱ senga mu mwe̱ndi. Ombwea nde babo̱. Nika nde beboledi bo̱ngo̱ ka bolane̱ la mā na boso ba me̱nde̱no̱ lee̱le̱ muyao na ndol’a iwiye̱ o be̱nedino̱ babo̱.
-
Ombwa basengedi bo̱ngo̱. Ombwa bato ke̱ o makwalisane̱ babo̱ yete̱na nika e titi bobe o bede̱mo babu. We te̱ to̱po̱ bwambo la kwande̱ki, ombwa moto mō̱ ponda na ponda te̱ o mulopo ma jombwa bukedi be̱se̱ eyome̱yome̱.
