DONGO 4
Jinge̱le̱ la Betiledi o mbad’a bwam
Mateo 22:41-45
O PATAPE̱M: Boṅsane̱ milema ma basengedi bo̱ngo̱ o kasa epas’a Bibe̱l obiana o malanga mo̱.
NE̱NI BOLA NIKA:
-
Bīse̱ ońola nje o malangano̱ y’epas’a Bibe̱l. Obiana o malangea basengedi bo̱ngo̱ epas’a Bibel, kwala lambo di mongwane̱ babo̱ o je̱ne̱ to̱ti weno̱ pula busise̱ o y’epasi.
-
Tuba Bibe̱l ka kalati ni be̱n doi. O makwalisane̱ te̱ bato ba madube̱ Loba, lee̱ nde Bibe̱l k’Eyal’a Loba, nika nde o me̱nde̱no̱ bamse̱ ná ńe nde kalati ni peti dibie̱.
-
Tute̱le̱ basengedi o pula langa Bibe̱l. We ná o baise̱ myuedi mena y’epas’a Bibe̱l e me̱nde̱no̱ jalabe̱, to̱ langwa ndutu ńena y’epasi e me̱nde̱no̱ jongwane̱ o buka, to̱ bīse̱ bete̱sedi bena y’epasi e mabonde̱no̱.
