Sɛgɛsɛgɛri kɛ ka kunnafoni sɔbɛw sɔrɔ: I ka ɲɛfɔli basigi Ala ka Kuma kan. N’a be se ka kɛ, vɛrisew kalan Bibulu yɛrɛ kɔnɔ. N’i b’a fɛ ka lɔnniko dɔ, zurunali kɔnɔnakumaw dɔ, mɔgɔ dɔ ka wale wala kunnafoni wɛrɛ kofɔ, sɛgɛsɛgɛri kɛ k’a filɛ fɔlɔ n’o kunnafoniw ye tiɲɛn ye ani n’u bele be sanga la.

Baara kɛ n’o kunnafoniw ye cogo bɛnnin na: N’i be vɛrise dɔ ɲɛfɔra, a sɛbɛra koo minw sen fɛ, i janto o la. I janto fana k’o vɛrise ɲɛfɔ ka kɛɲɛ ni Bibulu ka barokun jɔnjɔn ye ani ka kɛɲɛ ni jɔncɛ kantigiman hakiliman ka gafew ye (Mat. 24:45). N’i ka kunnafoniw ma bɔ Bibulu kɔnɔ, i janto kana u yɛlɛma ani kana kɔrɔ wɛrɛ di u ma.

Hakilijagabɔ kɛ n’i lamɛnbagaw ye: N’i ye vɛrise dɔ kalan wala n’i ye kunnafoni wɛrɛ kofɔ, ɲiningali dɔw kɛ nɛmɛnɛmɛ wala ɲɛyirali dɔ ta. O la, i bena i lamɛnbagaw dɛmɛ u ka faamuyali ɲuman bɔ kɛnɛ kan u yɛrɛ ma.