Bangebaga minw be siran Ala ɲɛ, olu be min fɛ, o ye ko u deenw ka kɛ Jehova sagokɛla kantigiw ye. Bangebagaw be se k’u deenw dɛmɛ o la n’u b’u kalan Bibulu la ani k’u dusu sɔrɔ kabi u denmisɛnman (Deter. 6:7; Talenw 22:6). Yala waajibi lo u k’u yɛrɛ saraka wa? Siga t’o la. Nka n’u y’u jija k’o kɛ, nafaba b’o la.—3 Zan 4.

Bangebagaw be se ka kalan caaman sɔrɔ Yusufu ni Mariyamu ka koo la. U “tun be to ka taga [Tɛmɛnkan seli] la Zeruzalɛmu saan o saan” hali n’o voyaziw musaka tun ka ca ani hali n’u tun ka kan ka jijali kɛ (Luka 2:41). N’a sɔrɔ u ɲɛnako fɔlɔ tun ye k’u ka denbaya ka Alakow wasa. O cogo kelen na, bangebagaw be se k’u deenw bila sira ɲuman kan n’u be sababu bɛɛ ɲini k’u kalan u ka kumaw n’u ka kɛwalew fɛ.—Zab. 127:3-5.

VIDEWO NIN FILƐ: U M’A TO SABABU SI KA TƐMƐ. O KƆ, ƝININGALI NUNU JAABI:

• Cogo juman na Jon ni Sharon Schiller ye masayakow kɛ u ɲɛnako fɔlɔ ye tuma min na u tun b’u ka denbaya ladonna?

• Mun na bangebagaw ka ɲi k’u deenw kolo ka kɛɲɛ n’u makow ye?

• Bangebagaw be se k’u deenw labɛn cogo di walisa u ka se ka lɔ kelen kan kɔrɔbɔli tuma na?

• Ɔriganisasiyɔn ye fɛɛn minw bɔ, i delila k’i deenw dɛmɛ ni jumanw lo ye walisa u ka ɲɛtaga kɛ Alakow la?