MUN NA A KƆRƆTANIN LO: “Jii min be nii don mɔgɔ la,” kerecɛn mɔlenw ni saga wɛrɛ mɔgɔw be bɛɛ weele u ka na o min (Yir. 22:17). O jii ye tagamasiɲɛ lo ye min b’a yira Jehova ye labɛn minw sigi walisa k’a kanminɛbagaw kisi jurumu ni saya ma. An b’a fɛ ka mɔgɔw dɛmɛ minw ka lanaya n’u ka kokɛcogow tɛ kelen ye. O kama, “kibaru diman min ye waati bɛɛ ta ye,” an ka ɲi k’o fɔ cogo dɔ la walisa k’u kelen kelen bɛɛ dusu sɔrɔ.​—Yir. 14:6.

A KƐCOGO:

• Barokun ni vɛrise dɔ sugandi min bena mɔgɔw dusukun sɔrɔ i ka kafo ka kiin kɔnɔ. I be se ka barokɛcogo modɛli wala barokun dɔ sugandi mɔgɔw ka teli ka min lamɛn i fɛ. Vɛrise ni barokun jumanw lo be mɔgɔw lasun ka mɛnni kɛ? Yala koo dɔ kɛra mɔgɔw hakili bele be min na wa? Barokun juman lo bena diya cɛɛw wala musow ye?

• Mɔgɔw ka teli ka foli kɛ ani ka koow kɛ cogo min na i ka mara la, ele fana k’o kɛ.​—2 Kor. 6:3, 4.

• Videwo ni gafe minw b’i ka kalankɛminanw kɔnɔ, u lɔn ka ɲɛ walisa k’u yira mɔgɔ dɔ la min y’a mako don i ka kuma na.

• Kunnafoni dɔw telesarse i ka kiinmɔgɔw ka kaan na.

• I ka baro yɛlɛma ka kɛɲɛ n’i lamɛnbaga mako ye (1 Kor. 9:19-23). Ɲɛyirali fɛ, n’i lamɛnbaga ka mɔgɔ dɔ sara a ma mɛɛn, i bena mun lo fɔ?

VIDEWO FILƐ, O KƆ, ƝININGALI NUNU JAABI:

• Weleweledala tun y’a daminɛ ka baro kɛ n’a lamɛnnikɛla ye barokun juman lo kan?

• Mun lo tun kɛra lamɛnnikɛla ka ɲɛnamaya la?

• Vɛrise jumanw lo tun bɛnnin lo o wagati la, ani mun na?

• I be se k’i ka barokun yɛlɛma cogo di walisa ka mɔgɔw dusukun sɔrɔ i ka kafo ka kiin kɔnɔ?