Mika 1:1-16
1 Esiae nye Yehowa ƒe gbe si va na Mika*+ si tso Moreset, le ŋutega si wòkpɔ ku ɖe Samaria kple Yerusalem ŋu le Yuda-fia+ siwo nye Yotam,+ Ahaz+ kple Hizkiya+ ŋɔli:
2 “Mi dukɔwo katã, misee!
Oo anyigba kple edzinuwo katã, miƒu to anyi,Eye Yehowa si le eƒe gbedoxɔ kɔkɔe me,Aƒetɔ Dziɖulagã Yehowa, nanye ɖasefo ɖe mia ŋu.+
3 Kpɔ ɖa, Yehowa ɖi tso enɔƒe gbɔna;Ava zɔ anyigba ƒe kɔkɔƒewo.
4 Towo alólo gbanaa le ete,+Eye baliwo afeAhalólo abe anyixe le dzo nu ene,Anɔ abe ale si tsi sina ne ele aga ɖim ene.
5 Yakob ƒe aglãdzedze tae nu siawo katã dzɔ ɖo,Israel ƒe aƒe la ƒe nu vɔ̃wo tae.+
Ame ka gbɔe Yakob ƒe aglãdzedze tso?
Menye Samaria ye oa?+
Eye ame ka gbɔe wòtso be Yuda wɔ nuxeƒewo?+
Menye Yerusalem ye oa?
6 Eya ta mana Samaria nazu glikpo atsi gbe me,Azu waingbledeƒe;Malɔ eƒe kpewo akɔ ɖe bali me,Eye mana eƒe gɔmeɖokpewo natsi ƒeƒle.
7 Woagbã eƒe legbawo katã gudugudu,+Eye woatɔ dzo nunana siwo katã wòkpɔ le gbolowɔwɔ me.+
Matsrɔ̃ eƒe trɔ̃wo katã.
Elabena gbolowɔwɔ mee wòto kpɔ nu siawo,Eye gbolowoe woagatsɔ wo axe fe na.”
8 Eya ta mafa avi sesĩe ahaƒu asi nu;+Maɖe ama ahazɔ afɔ ƒuƒlu.+
Manɔ xɔxlɔ̃m abe agbotoewo ene,Eye mafa konyi abe golowo* ene.
9 Elabena gbedada mele eƒe abi la ŋu o.+Eva ɖo keke Yuda ke.+
Dɔvɔ̃ la va ɖo nye dukɔ ƒe agbo nu, eva ɖo Yerusalem.+
10 “Migagblɔe le Gat o;Migafa avi kura o.
“Mimli le ke me le Bet-Afra.*
11 Mi Safir nɔlawo, miɖe ama, eye miatso eme ava yi kple ŋukpe.
Zaanan nɔlawo ya medo go o.
Konyifafa axɔ Bet-Ezel, eye wòana sitsoƒe nabu ɖe mi.
12 Elabena Marot nɔlawo le mɔ kpɔm na nyui,Ke vɔ̃ ye ɖi tso Yehowa gbɔ va Yerusalem ƒe agbo la nu.
13 Oo mi Lakis+ nɔlawo, mitsi sɔwo ɖe tasiaɖam ŋu.
Miawoe nye Zion vinyɔnu ƒe nu vɔ̃ ƒe gɔmetoto,Elabena mia gbɔe wokpɔ Israel ƒe aglãdzenuwɔnawo le.+
14 Eya ta miatsɔ nunanawo ado mɔ Moreset-Gat.
Akzib+ xɔwoe flu Israel-fiawo.
15 Oo Maresa+ nɔlawo, magakplɔ amedziɖula* la ava ƒu wò.+
Israel ƒe ŋutikɔkɔe la ade Adulam+ ke.
16 Lũ ta kokoe le viwò malɔ̃nugbɔawo ta.
Lũ ta wòanɔ abe akaga* tɔ ene,Elabena woɖe aboyo viwòwo hekplɔ wo dzoe le gbɔwò.”+
Etenuŋɔŋlɔ
^ Mika nye ŋkɔ Mikael (egɔmee nye, “Ame Kae Le Abe Mawu Ene?”) alo Mikaya (egɔmee nye, “Ame Kae Le Abe Yehowa Ene?”) ŋɔŋlɔ kpuie.
^ Alo, “tsatsaboliwo.”
^ Alo, “le Afra ƒe me.”
^ Alo, “amenyala.”
^ Hebrigbe me nya si wozã le afi sia ate ŋu afia “hɔ̃” hã.
