Psalmowo 25:1-22
David ƒe ha.
א [Alef]
25 Oo Yehowa, ŋuwòe metrɔ ɖo.*
ב [Bet]
2 Nye Mawu, ŋuwòe meɖo ŋu ɖo;+Mègana ŋu nakpem o.+
Mègana nye futɔwo natso aseye ɖe ŋunye o.+
ג [Gimel]
3 Vavãe, ŋu makpe ame siwo da woƒe mɔkpɔkpɔ ɖe dziwò la dometɔ aɖeke o,+Ke ŋu akpe ame siwo wɔa alakpanu dzodzro la ya.+
ד [Dalet]
4 Oo Yehowa, na manya wò mɔwo;+Fia wò toƒewom.+
ה [He]
5 Na mazɔ le wò nyateƒe la me, eye nàfia num,+Elabena wòe nye nye xɔname Mawu la.
ו [Waw]
Wòe mele mɔ kpɔm na ŋkeke blibo la.
ז [Zayin]
6 Oo Yehowa, ɖo ŋku wò nublanuikpɔkpɔ kple wò lɔlɔ̃ si nu metsina o+Si nèɖena fiana ɣeawokatãɣi* la dzi.+
ח [Het]
7 Mègaɖo ŋku nye ɖevimenuvɔ̃wo kple nye dzidadawo dzi o.
Ðo ŋku dzinye le wò lɔlɔ̃ si nu metsina o la ta,+Le wò nyuiwɔwɔwo ta, Oo Yehowa.+
ט [Tet]
8 Yehowa nyo, eye wòle dzɔdzɔe.+
Esia tae wòfiaa mɔ si wòle be nu vɔ̃ wɔlawo nato anɔ agbe la wo.+
י [Yod]
9 Akplɔ ɖokuibɔbɔlawo le nu dzɔdzɔe wɔwɔ me,*+Eye wòafia eƒe mɔ ɖokuibɔbɔlawo.+
כ [Kaf]
10 Yehowa ƒe mɔwo katã nye amenuveve kple nuteƒewɔwɔ sɔŋNa ame siwo léa eƒe nubabla+ kple eƒe ŋkuɖodzinyawo+ me ɖe asi.
ל [Lamed]
11 Oo Yehowa, xa ɖe wò ŋkɔ la ta+Nàtsɔ nye vodada akem, togbɔ be ekpe ŋutɔ hã.
מ [Mem]
12 Ame kae vɔ̃a Yehowa?+
Ame mae wòafia mɔ si wòatia lae.+
נ [Nun]
13 Eyae* akpɔ nu nyuiwo,+Eye eƒe dzidzimeviwo anyi anyigba la dome.+
ס [Samek]
14 Tsi metoa Yehowa kple ame siwo vɔ̃nɛ la dome o,+Eye wònana wonyaa eƒe nubabla la.+
ע [Ayin]
15 Nye ŋkuwo le Yehowa ŋu ɣeawokatãɣi,+Elabena eyae aɖe nye afɔ le ɖɔ me.+
פ [Pe]
16 Trɔ ɖe ŋunye, ne nàve nunye,Elabena metsi akogo, eye metsi asi.
צ [Tsade]
17 Nye dzimexaxawo dzi ɖe edzi;+Ðem tso nye xaxawo me.
ר [Res]
18 Kpɔ nye fukpekpe kple nye hiã ɖa,+Ne nàtsɔ nye nu vɔ̃wo katã akem.+
19 Kpɔ ale si nye futɔwo sɔ gbɔe ɖaKple ale si wolé fum kaɖikaɖii ɖa.
ש [Sin]
20 Kpɔ nye agbe ta,* eye nàɖem.+
Mègana ŋu nakpem o, elabena wòe mesi tso.
ת [Taw]
21 Na nuteƒewɔwɔ kple nu dzɔdzɔe wɔwɔ nakpɔ tanye,+Elabena wòe mele mɔ kpɔm na.+
22 Oo Mawu, ɖe Israel tso eƒe xaxawo katã me.
Etenuŋɔŋlɔ
^ Alo, “wòe metsɔ nye luʋɔ na.”
^ Alo, “Si li tso tititi ke.”
^ Egɔmeɖeɖe tẽe, “le ʋɔnudɔdrɔ̃ me.”
^ Alo, “Eƒe luʋɔe.”
^ Alo, “Kpɔ nye luʋɔ ta.”
