Psalmowo 52:1-9
Na henɔ la. Maskil.* David ƒe ha, esime Edomtɔ Doeg va ka eta na Saul be David va Ahimelek+ ƒe me.
52 Oo ŋusẽtɔ, nu ka tae nètsɔ nu vɔ̃ɖi wɔwɔ le adegbe ƒom?+
Mawu ƒe lɔlɔ̃ si nu metsina o la li ŋkeke blibo la katã.+
2 Wò aɖe si le ɖaɖam abe talũhɛ ene la,+Ðoa nu gbegblẽ hewɔa alakpanu.+
3 Èlɔ̃ vɔ̃ wu nyui,Eye nèlɔ̃ aʋatsokaka wu nyateƒetoto. (Sela)
4 Oo wò, alakpaɖe,Nya siwo gblẽa nu sɔŋ ko nèlɔ̃na!
5 Esia tae Mawu atsɔ wò aƒu anyi tegbee;+Ahe wò ado goe tso wò agbadɔ me;+Aho wò kple ke tso agbagbeawo ƒe anyigba dzi.+ (Sela)
6 Ame dzɔdzɔewo akpɔe, woƒe nu aku,+Eye woakoe agblɔ be:+
7 “Mikpɔ ŋutsu si metsɔ Mawu wɔ eƒe sitsoƒee* o,+Ke boŋ wòɖoa ŋu ɖe eƒe kesinɔnu gbogboawo ŋu+Eye wòɖoa dzi ɖe eƒe aɖaŋu vɔ̃wo ŋu* la ɖa.”
8 Ke nye ya la, manɔ abe amiti dama ene le Mawu ƒe aƒe me;Maɖo ŋu ɖe Mawu ƒe lɔlɔ̃ si nu metsina o+ la ŋu tegbee.
9 Makafu wò ɖaa, elabena èwɔe de goe;+Makpɔ mɔ na wò ŋkɔ,+ elabena enyoLe ame siwo wɔa nuteƒe na wò la ŋkume.
Etenuŋɔŋlɔ
^ Kpɔ Nya Tɔxɛwo Gɔmeɖeƒea.
^ Alo, “mɔ́ sesẽ.”
^ Alo, “Eye wòbena ɖe eƒe aɖaŋu vɔ̃wo me.”
