Yeremiya 11:1-23
11 Yehowa ƒe gbe si va na Yeremiya lae nye esi:
2 “Mise nubabla sia me nyawo!
“Gblɔe* na Yudatɔwo kple Yerusalem nɔlawo,
3 eye nàgblɔ na wo be, ‘Ale Yehowa, Israel ƒe Mawu la, gblɔe nye esi: “Aɖi ame si meɖoa to nubabla sia me nyawo o la ŋu,+
4 nya siwo ƒe se mede na mia tɔgbuiwo le gbe si gbe mekplɔ wo tso Egipte-nyigba dzi,+ tso galólokpo me+ ye nye be, ‘Miɖo to nye gbe, eye miwɔ nu siwo katã ƒe se mede na mi; ekema mianye nye dukɔ, eye manye mia Mawu,+
5 ne mawɔ atam si meka na mia tɔgbuiwo be matsɔ anyigba si dzi notsi kple anyitsi le sisim le+ ana wo la dzi, abe ale si wòle egbe sia ene.’”’”
Eye megblɔ be: “Oo, Yehowa, Amen.”*
6 Eye Yehowa gblɔ nam be: “Ðe gbeƒã nya siawo katã le Yuda duwo me kple Yerusalem kpɔdomeewo be: ‘Mise nubabla sia me nyawo, eye miwɔ wo dzi.
7 Elabena mexlɔ̃ nu mia tɔgbuiwo vevie le gbe si gbe mekplɔ wo tso Egipte-nyigba dzi va se ɖe egbe sia; mexlɔ̃a nu wo* enuenu be: “Miɖo to nye gbe.”+
8 Ke womeɖo to o, eye womeƒu to anyi o, ke boŋ wo dometɔ ɖe sia ɖe zɔ le eya ŋutɔ ƒe dzimesesẽ vɔ̃ɖi la nu.+ Eya ta mehe nya siwo katã le nubabla sia me siwo ŋu mede se le na wo eye womewɔ wo dzi o la va wo dzi.’”
9 Eye Yehowa gblɔ nam be: “Yudatɔwo kple Yerusalem nɔlawo ɖo nugbe.
10 Wotrɔ ɖe wo tɔgbui siwo gbe be yewomaɖo to nye nyawo o ƒe vodadawo ŋu.+ Woawo hã wodze mawu bubuwo yome hesubɔ wo.+ Israel ƒe aƒe kple Yuda ƒe aƒe la tu nye nu, si mebla kple wo tɔgbuiwo la.+
11 Eya ta ale Yehowa gblɔe nye esi, ‘Kpɔ ɖa, mahe vɔ̃ ava wo dzi,+ eye womate ŋu asi le enu o. Ne woyɔm be maxɔ na yewo la, nyemaɖo to wo o.+
12 Eye Yuda duwo kple Yerusalem nɔlawo ayi aɖayɔ mawu siwo wosaa vɔ na* be woakpe ɖe yewo ŋu,+ gake womate ŋu axɔ na wo le woƒe xaxaɣi la o.
13 Elabena Yuda, wò mawuwo va sɔ gbɔ abe wò duwo ke ene, eye ale si Yerusalem ƒe ablɔwo sɔ gbɔe la, nenemae nèɖi vɔsamlekpuiwo na ŋukpenanu* la, be miasa vɔ le wo dzi na Baal.’+
14 “Ke wò* la, mègado gbe ɖa ɖe dukɔ sia ta o. Mègaƒo koko alo ado gbe ɖa ɖe wo ta o,+ elabena ne wodo ɣli yɔm le woƒe xaxaɣi la, nyemaɖo to wo o.
15 Nu ka dimee nye lɔlɔ̃tɔ le le aƒenye meEsi wo dometɔ geɖe wɔ tame vɔ̃ siwo woɖo dzi?
Ne vɔ̃ va dziwò la, ɖe woatsɔ vɔsalã kɔkɔewo* atsi enua?
Ðe nàtso aseye ɣemaɣia?
16 Yehowa yɔa wò tsã be amiti damaSi kutsetse nyuiwo ɖo atsyɔ̃ na.
Edo dzo wòle bibim ɖe eŋu le hoowɔwɔ gã aɖe me,Eye woŋe eƒe alɔwo.
17 “Aʋakɔwo ƒe Yehowa, Ame si do wò+ la, ŋutɔ gblɔ be vɔ̃ ava dziwò le nu vɔ̃ɖi siwo Israel ƒe aƒe kple Yuda ƒe aƒe wɔ, esi wodo dzudzɔ na Baal tsɔ do dziku nam la ta.”+
18 Yehowa gblɔe nam, ne manya;Èna mekpɔ woƒe nuwɔnawo ɣemaɣi.
19 Ke mele abe alẽvi fafa, si wokplɔ yina wuwu ge ene.
Nyemenya kura be ŋunyee woɖo tame vɔ̃ ɖo o, esi wogblɔ be:+
“Mina míagblẽ ati la kple eƒe tsetse siwo le edzi la dome,Eye míatsrɔ̃e ɖa le agbagbeawo ƒe anyigba dzi,Ne woagaɖo ŋku eƒe ŋkɔ dzi azɔ o.”
20 Ke aʋakɔwo ƒe Yehowa drɔ̃a ʋɔnu dzɔdzɔe;Edzroa dzimesusuwo* kple dzia me kpɔ.+
Na makpɔ ale si nàbia hlɔ̃ woe la teƒe,Elabena asiwò me metsɔ nye nya de.
21 Eya ta ale Yehowa gblɔ ɖe Anatottɔ+ siwo di be yewoaɖe wò agbe* ɖa hele gbɔgblɔm be, “Mègagblɔ nya ɖi le Yehowa ƒe ŋkɔ me o,+ ne màgaku le mía si me o” la ŋue nye esi;
22 ɛ̃, ale aʋakɔwo ƒe Yehowa gblɔe nye esi: “Kpɔ ɖa, mabia akɔnta wo. Ðekakpuiwo atsi yi nu,+ eye wo viŋutsuwo kple wo vinyɔnuwo aku le dɔwuame ta.+
23 Ame aɖeke masusɔ na wo o, elabena mahe vɔ̃ ava Anatottɔwo+ dzi, le ƒe si me mabia akɔnta wo.”
Etenuŋɔŋlɔ
^ Edze ċa be Yeremiyae wode gbe sia asi na.
^ Alo, “Neva eme.”
^ Egɔmeɖeɖe tẽe, “mefɔna ŋdi kanya hexlɔ̃a nu wo.”
^ Alo, “wodoa dzudzɔ na.”
^ Alo, “ŋukpenamawu.”
^ Efia, Yeremiya.
^ Efia, vɔ siwo wosa le gbedoxɔa me.
^ Alo, “seselelãme ememetɔ.” Egɔmeɖeɖe tẽe, “ayikuwo.”
^ Alo, “wò luʋɔ.”
