Yeremiya 45:1-5
-
Nya si Yehowa gblɔ na Baruk (1-5)
45 Nya siwo nyagblɔɖila Yeremiya gblɔ na Baruk,+ Neriya vi, esime Yeremiya+ gblɔ nya siawo nɛ wòŋlɔ ɖe agbalẽ me le Yuda-fia Yehoyakim,+ Yosiya vi, ƒe ƒe enelia me lae nye esi:
2 “Baruk, ale Yehowa, Israel ƒe Mawu la, gblɔ ɖe ŋuwòe nye esi,
3 ‘Ègblɔ be: “Baba nam, elabena Yehowa tsɔ nuxaxa kpe ɖe vevesese ŋu nam! Meɖe hũ nu ti kɔ nam, eye nyemekpɔ gbɔɖemeƒe aɖeke o.”’
4 “Ale nàgblɔ nɛ ye nye esi, ‘Ale Yehowa gblɔe nye esi: “Kpɔ ɖa! Mele nu si metu la, gbãm ƒu anyi, eye mele nu si medo la, hom—ava anyigba blibo la dzi.+
5 Ke wò ya èle nu gãwo dim na ɖokuiwò. Mègadi nu mawo o.”’
“Yehowa be: ‘Elabena mahe gbegblẽ ava ŋutilãwo* katã dzi,+ ke mana wò agbe* nazu aboyonu na wò* le teƒe siwo katã nàyi.’”+
