Nu ka tae wòle be nàɖe wò susuwo agblɔ na dziwòlawo? (Lod 23:26) Elabe Yehowa de dɔ asi na wo be woalé be na wò eye woafia nu wò. (Ps 127:3, 4) Ne mègblɔa wò kuxiwo na wo oa, asesẽ na wo be woakpe ɖe ŋuwò. Azɔ hã, nuteƒekpɔkpɔ siwo su wo si, siwo ate ŋu aɖe vi na wòa, ato ŋuwò. Ke ɖe wòhiã be nàgblɔ nya sia nya na woa? Mehiã kokoko o—gake kpɔ nyuie be nàgada alakpa na dziwòlawo o.—Lod 3:32.

Aleke nàwɔ aɖo dze kple dziwòlawo? Dze agbagba nàdi ɣeyiɣi si asɔ na mi katã. Ne esia wɔwɔ asesẽa, ke àte ŋu aŋlɔ lɛta na wo dometɔ ɖeka agblɔ wò dzimenyawo nɛ. Ke ne wodi be yewoaƒo nu tso nya aɖe ŋu, evɔ wò ya màdi be yeaɖo dze tso eŋu o ɖe? Ðo ŋku edzi be wodi vevie be yewoakpe ɖe ŋuwò. Mègabu dziwòlawo be wonye wò futɔwo o, xɔwòwoe wonye. Agbagba siwo nàdze be nàɖo dze kple dziwòlawo tso dzi mea, aɖe vi na wò le wò agbe me katã!—Lod 4:10-12.

MIKPƆ VIDEO SI NYE LE NYE ƑEWUIWO ME—ALEKE MAWƆ AÐO DZE KPLE DZINYELAWO? EYOME MIAÐO BIABIA SIAWO ŊU:

• Nu kae Esther kple Partik va de dzesi le wo ɖokuiwo ŋu?

• Nu kae nàte ŋu asrɔ̃ tso kpɔɖeŋu si Yesu ɖoa me?

• Aleke dziwòlawo ɖee fia be yewotsɔ ɖe le eme na wò?

• Biblia me gɔmeɖose kawoe ate ŋu akpe ɖe ŋuwò nàɖo dze kple dziwòlawo?