January 15-21
HIOB 36-37
Hadzidzi 147 Kple Gbedodoɖa | Ŋgɔdonyawo (1 min.)
1. Nu Si Ta Nàte Ŋu Aka Ðe Agbe Mavɔ Ƒe Ŋugbe Si Mawu Doa Dzi
(10 min.)
Yehowa ŋutɔ li tegbee (Hio 36:26; w15 10/1 13 ¶1-2)
Nunya kple ŋusẽ le Yehowa si be wòalé agbe ɖe te (Hio 36:27, 28; w20.05 22 ¶6)
Yehowa fiaa mí nu siwo wòle be míawɔ be míakpɔ agbe mavɔ (Hio 36:4, 22; Yh 17:3)
Ne míexɔ ŋugbe si Mawu do be míava nɔ agbe tegbee dzi se veviea, esia akpe ɖe mía ŋu be míanɔ te sesĩe ne kuxiwo va mía dzi.—Heb 6:19; w22.10 28 ¶16.
2. Mawu Ƒe Nyaa Me Kesinɔnuwo
(10 min.)
-
Hio 37:20—Le Biblia ŋlɔɣiwoa, aleke nyatakakawo wɔna ɖona amewo gbɔ? (mwbr24.01 4 ¶5)
-
Mawu ƒe nyaa me kesinɔnu kawo ŋue nèke ɖo le kwasiɖa sia ƒe Biblia xexlẽ me si ŋu nèdi be yeaƒo nu tsoe?
3. Biblia Xexlẽ
(4 min.) Hio 36:1-21 (th nusɔsrɔ̃ 2)
4. Dzeɖoɖo Gɔmedzedze
(3 min.) DUTOƑOÐASEÐIÐI. (lmd nusɔsrɔ̃ 3 ƒe xexlẽdzesi 3)
5. Dzeɖoɖoa Dzi Yiyi
(4 min.) TSO AƑE ME YI AƑE ME. (lmd nusɔsrɔ̃ 2 ƒe xexlẽdzesi 5)
6. Wò Dzixɔsewo Me Ðeɖe
(5 min.) Nuƒo. ijwfq 57 ¶5-15—Tanya: Nu Ka Tae Nazitɔwo Ti Yehowa Ðasefowo Yome Esi Wonɔ Yudatɔwo Tsrɔ̃m? (th nusɔsrɔ̃ 18)
Hadzidzi 49
7. Dzra Ðo Hafi Wòava Hiã Be Woawɔ Dɔ Alo Atike Na Wò
(15 min.) Numedzodzro. Hamemetsitsi nawɔe.
Yehowa ƒe habɔbɔa kpena ɖe mía ŋu le mɔ geɖe nu be míate ŋu awɔ se si Mawu de ku ɖe ʋu ŋua dzi. (Dw 15:28, 29) Èle mɔnu mawo ŋu dɔ wɔma?
Ameteƒenɔla Ƒe Ŋusẽ Si Nɔa Anyi Ðaa (DPA ʋugbalẽvia) kple Dzesidegbalẽvia (Identity Card): Nu siwo dɔnɔ aɖe adi be woawɔ na ye ne ʋudonyawo do mo ɖa ye le agbalẽvi eve siawo dzi. Gbeƒãɖela siwo xɔ nyɔnyrɔ ate ŋu ate ɖe hamea ƒe agbalẽdzikpɔla ŋu axɔ DPA gbalẽvia na wo ɖokui eye woaxɔ dzesidegbalẽvia na wo vi suewo. Ele be agbalẽvi siawo nanɔ mía ŋu ɣesiaɣi. Ne ehiã be nàkpe yeye ɖo alo nàtrɔ asi le esi nèkpe ɖo xoxo ŋua, mègahe ɖe megbe o.
Nyatakaka Na Nyɔnu Funɔwo (S-401) kple Nyatakaka Na Ame Siwo Wòhiã Be Woawɔ Dɔ Alo Kansatike Na (S-407): Agbalẽvi siawo kpena ɖe mía ŋu be míadzra ɖo nyuie ɖe atikewɔnyawo kple ʋudonyawo ŋu. Ne fu le asiwò, woawɔ dɔ na wò, alo woawɔ kansatike na wòa, bia miaƒe hamemetsitsiwo woana wò agbalẽvi siawo dometɔ si nèhiã.
Kɔdzi Kadodo Dzikpɔkɔmiti (HLC): Kɔdzi Kadodo Dzikpɔkɔmitia me tɔwo nye hamemetsitsi siwo wona hehe be woaɖe nu me na ɖɔktawo kple gbeƒãɖelawo ku ɖe ʋudonyawo ŋu. Woate ŋu aƒo nu kple wò ɖɔkta agblɔ dɔdamɔnu siwo woate ŋu azã na wò evɔ womado ʋu na wò o. Ne ehiãa, woate ŋu akpe ɖe ŋuwò nàkpɔ ɖɔkta si alɔ̃ be yeada dɔ na wò ʋumazamazãe. Àte ŋu ake ɖe nɔvi siawo ŋu ɣesiaɣi, elabe wowɔa dɔ ŋkekeawo katã. Ne woasika wò ɖe kɔdzi, ne woawɔ dɔ na wò alo ne wole kansatike wɔ ge na wòa, yɔ Kɔdzi Kadodo Dzikpɔkɔmitia enumake, ne ewɔ na wò be womazã ʋu na ye o gɔ̃ hã. Ele be funɔwo hã nayɔ wo. Ne èhiã kpekpeɖeŋu le go aɖe mea, bia hamemetsitsi aɖe wòana wò nɔvi siawo ƒe kaƒodzesi.
Na woaɖe VIDEOA, Kɔdzi Kadodo Dzikpɔkɔmitiwo—Aleke Wokpena Ðe Mía Ŋu? Eyome nàbia nya siawo:
Aleke Kɔdzi Kadodo Dzikpɔkɔmitia ate ŋu akpe ɖe ŋuwò ne eva hiã be woawɔ dɔ na wò alo awɔ atike na wò?
8. Hame Ƒe Biblia Nusɔsrɔ̃
(30 min.) bt ta 4 ¶9-12, aɖaka si le axa 34
