Ðe video kple nyabiase siwo le Kpɔ Dzidzɔ Le Agbe Me Tegbee! gbalẽa me zazã le nuwo vivima? Ke eƒe akpa siwo nye “Ame Aɖewo Gblɔna Be,” “Anyo Be Nàwɔ Esia,” kple “Ku Nu Me Tso Nyatia Ŋu” hã ɖe? Eƒe akpa bubu kawo hãe ate ŋu akpe ɖe ŋuwò ne èle nu srɔ̃m kple amewo?—Mt 28:19, 20.

Videowo Kple Nyatiwo: Ne èdi be yeazã agbalẽa ƒe tatatɔ atsɔ asrɔ̃ nu kple ame aɖea, aleke nàwɔ ake ɖe videoawo katã kple nyati bubuawo ŋu bɔbɔe? Le agbalẽa ƒe mɔ̃ dzi tɔ mea, te asi ɖe akpa ene siwo koŋ me woma agbalẽ bliboa ɖoa dometɔ ɖeka dzi. Le nusɔsrɔ̃ vovovoawo ƒe tanyawo gɔmea, àkpɔ video kple nyati siwo katã ku ɖe akpa ma ŋu. (Kpɔ foto 1.)

“Tatatɔ” tiaƒe: Ne èle agbalẽa ƒe mɔ̃ dzi tɔ zãm tsɔ le nu srɔ̃m kple ame aɖea, ate ŋu aɖe vi na wò ne èʋu “Tatatɔ” hã le mɔ̃a dzi le nusɔsrɔ̃a ƒe akpa aɖewo. Be nàke ɖe eŋu le nusɔsrɔ̃ si me miele mea, te asi ɖe tɔtɔdzesi etɔ̃ si le etamea dzi eye nàtia “Tatatɔ.” Ale si wòaʋua akpe ɖe ŋuwò be nu siwo me dzrom miele kple ale si wode nu nusɔsrɔ̃ bliboa ƒe tanya mea nanɔ susu me na wò. Ne èdi be yeatrɔ ava mɔ̃ dzi tɔ mea, gate asi ɖe tɔtɔdzesi etɔ̃a dzi ake eye nàtia “Mɔ̃ Dzi Tɔ.”

“Ðe Mesu Tea?”: Aɖaka siawo siwo le agbalẽa ƒe nuwuƒe godzia gblɔ nu siwo ana nàdze awɔ ɖeka kple hamea aɖe gbeƒã kple nu siwo ana nàdze axɔ nyɔnyrɔ. (Kpɔ foto 2.)

Dzesidenyawo: Dzesidenyawo ɖe nyati vevi aɖewo koŋ me. Le agbalẽa ƒe mɔ̃ dzi tɔ mea, teƒe li nàte asi ɖo le dzesidenya ɖe sia ɖe ƒe nuwuwu be nàtrɔ ayi afi si nèɖo le nusɔsrɔ̃a me hafi ʋu dzesidenyaa. (Kpɔ foto 2.)