Ne Kristotɔwo ƒe srɔ̃ɖeɖe kpɔ dzidzedzea, edea bubu Yehowa ŋu eye dzi dzɔa atsu kple asia hã. (Mr 10:9) Hafi Kristotɔwo ƒe srɔ̃ɖeɖe nanɔ anyi ɖaa eye dzidzɔ nanɔ emea, ele be woawɔ ɖe Biblia ƒe mɔfiamewo dzi ne wole ame si woaɖea tiam.

Lala ‘nàto sɔhɛnyenye me ado’ hafi anɔ ŋugbedodo me kple ame aɖe, elabe gbɔdɔdɔ ƒe dzodzro nu sẽna wu le sɔhɛmenɔɣi, eye esia ate ŋu ana be màbu nuwo ŋu nyuie o. (1Ko 7:36) Anyo be nàzã wò trenɔɣia atsɔ awɔ nu siwo ana wò kple Mawu dome nanɔ kplikplikpli eye nàtu Kristotɔwo ƒe nɔnɔme nyuiwo ɖo. Esia adzra wò ɖo nyuie na srɔ̃ɖeɖe si akpɔ dzidzedze.

Hafi nàlɔ̃ aɖe ame aɖea, ele vevie be nàgbɔ dzi ɖi anya “dzi me ƒe ame ɣaɣla” si le esi. (1Pe 3:4) Ne ède dzesi nanewo siwo ate ŋu ava nye kuxi gãa, wò kplii miɖo dze tso wo ŋu. Abe ale si wòle le kadodo ɖe sia ɖe gome enea, wò susu nenɔ nu siwo nàwɔ wòaɖe vi na srɔ̃wò ŋu, ke menye viɖe siwo nàkpɔ ko ŋu o. (Flp 2:3, 4) Ne èwɔa Biblia ƒe mɔfiamewo dzi hafi ɖe srɔ̃a, anɔ bɔbɔe be nàyi edzi nenema eye esia ana dzidzɔ nanɔ wò srɔ̃ɖeɖea me.

MIKPƆ VIDEO SI NYE DZADZRAÐO NA SRƆ̃ÐEÐE—AKPA 3: ‘BU EŊU KƆNTA GBÃ,’ EYOME MIAÐO BIABIA SIAWO ŊU:

• Aleke nuwo nɔ yiyim le nɔvinyɔnua kple Shane dome?

• Nu kae wòde dzesii esi wòva nɔ enyam nyuie?

• Aleke edzilawo kpe ɖe eŋu, eye aleke wòtso nya me nyuie?