“Alesi Wòɖea Nyawo Mee Dzea Ŋunye”

Nya siae asitsaɖoɖodzikpɔla ƒe kpeɖeŋutɔ aɖe si tso Yucatán, Mexico, gblɔ ku ɖe alesi wotrɔa asi le Nyɔ! magazinea me nyatiwo ŋui la ŋu. Egblɔ ɖe lɛta me be yeƒe dɔwɔhati Ðasefo aɖee na Nyɔ! magazine ye zi gbãtɔ le nugblẽfexeɖoɖodɔwɔƒe afisi ye kplii siaa yewowɔa dɔ le.

Egblɔ tso Nyɔ! ŋu be: “Eya mee woakpɔ nyatakaka kple nyateƒe akuakua le. Alesi wòɖea nyawo mee dzea ŋunye, elabena medea akpa aɖeke dzi le dunyahehe me o eye medoa ameƒomevi ɖeka me tɔwo ɖe dzi wu bubu o. Magazine sia xexlẽ kpe ɖe ŋunye mekpɔ nye kuxi geɖe gbɔ. Enye agbalẽ si xexlẽ dzroa ame, eda sɔ, esɔ ɖe míaƒe ŋkekea nu, eye wòtua ame ɖo ŋutɔ. Meda akpe na mi tso nye dzi me ke!”

Ƒe aɖewoe nye si va yi la, Nyɔ! ƒo nu tso alesi woanɔ te ɖe ame ƒe lɔlɔ̃tɔ ƒe ku nui ŋu. Emegbe wogava trɔ asi le nyati ma ŋu ŋlɔ ɖe agbalẽ gbadza si ƒe ŋkɔe nye Ne Wò Lɔlɔ̃tɔ aɖe Ku la me. Ðewohĩ axa 32-gbalẽ gbadza sia xexlẽ ate ŋu afa akɔ na wò ŋutɔ alo ame aɖe si nènya. Ðeka ate ŋu asu asiwò ne èkpe nudɔgbalẽvi si kpe ɖe eŋu la ɖo eye nèɖoe ɖe adrɛs si dze le edzi alo nèzã adrɛs si sɔ le magazine sia ƒe axa 5 lia.

□ Miɖo agbalẽ gbadza si nye Ne Wò Lɔlɔ̃tɔ aɖe Ku ɖem.

□ Taflatse miva wɔ aƒeme Biblia nusɔsrɔ̃ femaxee kplim.