Mawu le esem. Biblia ka ɖe edzi na mí be “Yehowa tsɔ ɖe ame siwo katã yɔnɛ la gbɔ, etsɔ ɖe ame siwo katã yɔnɛ le nyateƒe me la gbɔ. . . . Esea woƒe ɣlidodo.”—Psalmo 145:18, 19.

Mawu di be nàdo gbe ɖa na ye. Biblia de dzi ƒo na mí be: “Le nu sia nu me la, mito gbedodoɖa kple kokoƒoƒo kpakple akpedada dzi miana Mawu nanya miaƒe dzimedidiwo.”—Filipitɔwo 4:6.

Mawu tsɔa ɖe le eme na wò vevie. Mawu nya míaƒe hiahiãwo kple dzimaɖitsitsiwo nyuie, eye edi be yeakpe ɖe mía ŋu. Biblia gblɔ be: ‘Midro miaƒe dzimaɖitsitsiwo katã ɖe edzi, elabena eléa be na mi.’—1 Petro 5:7.