Àte Ŋu Ake Ðe Nunya Vavãtɔ Ŋu
“Ŋɔŋlɔ blibo la tso Mawu ƒe gbɔgbɔ me.” (2 Timoteo 3:16) Le kpukpui sia mea, “tso . . . gbɔgbɔ me” fia be Mawu Ŋusẽkatãtɔ la na ame siwo ŋlɔ Bibliaa nya eƒe susuwo.
Mawu Di Be Yeƒe Nunya Naɖe Vi Na Wò
“Nye Yehowae nye . . . ame si fiaa nu wò be wòaɖe vi na wò, ame si kplɔa wò toa mɔ si dzi wòle be nàto. Ne ɖe nàɖo to nye sededewo ɖe! Anye ne wò ŋutifafa anɔ abe tɔsisi ene, eye wò dzɔdzɔenyenye anɔ abe ƒutsotsoewo ene.”—YESAYA 48:17, 18.
Tsɔe be Mawu ŋutɔe le nya mawo gblɔm na wò tẽe. Edi vevie be yeakpe ɖe ŋuwò nàkpɔ dzidzeme vavãtɔ kple dzidzɔ si nɔa anyi ɖaa, eye awɔe hã.
Mawu Ƒe Nunya Ate Ŋu Asu Asiwò
“Ele be woaɖe gbeƒã nya nyui la le dukɔwo katã me.”—MARKO 13:10.
“Nya nyui” ma ƒe ɖee nye ŋugbe siwo Yehowa do be yeaɖe fukpekpe ɖa, ana anyigbaa nazu paradiso, eye yeafɔ míaƒe ame vevi siwo kua ɖe tsitre. Yehowa Ðasefowo le gbeƒã ɖem Biblia me gbedeasi sia le xexea me godoo.
Ɖewohĩ Esia Hã Adzɔ Dzi Na Wò
GBETAKPƆXƆ
Biblia—Nyateƒetsoƒe Si Ŋu Kakaɖedzi Le
Àte ŋu aka ɖe edzi bliboe be Biblia me nyawo nye nyateƒe.
