NƆ ŊUDZƆ!
Ƒe 2023: Ƒe Si Me Amewo Tsi Dzimaɖi Le Vevie—Nya Kae Biblia Gblɔ?
Le ƒe 2023 me la, nu siwo dzɔ le xexea me godoo ɖo kpe edzi be míele ɣeyiɣi siwo Biblia yɔ be “ŋkeke mamlɛawo” me. (2 Timoteo 3:1) De dzesi nu siwo Biblia gblɔ be woadzɔ le míaƒe ŋkekeawo me kple ale si wole eme vam.
Nu siwo Biblia gblɔ ɖi kple ale si wole eme vam
“Aʋawɔwɔwo kple aʋawɔwɔwo ŋu nyawo.”—Mateo 24:6.
“Aʋawɔwɔ dziŋɔwo le dzidzim ɖe edzi le xexea ƒe akpa geɖe.” a
Kpɔ nyati siwo nye “Ame Kae Axɔ Na Dumevi Dzroawo?” kple “Dukɔwo Zã Dɔlar Miliɔn Teƒe Miliɔn Eve Kple Edzivɔ Ðe Aʋawɔwɔ Ŋu.”
“Anyigba aʋuʋu le teƒeteƒewo.”—Marko 13:8.
“Tso esime wodze anyigbaʋuʋuwo ŋuti nuŋlɔɖiwo wɔwɔ la, anyigbaʋuʋu sesẽ 13 siwo dzɔ le ƒe 2023 me la nu sẽ wu ɖe sia ɖe.” b
Kpɔ nyati si nye “Anyigbaʋuʋu Dziŋɔwo Gblẽ Nu Le Turkey Kple Syria.”
“Woakpɔ nu dovoɖinamewo.”—Luka 21:11.
“Xexea nɔ dzo xɔm tsã; fifia ya ele fiefiem.”—António Guterres, Dukɔ Ƒoƒuawo ƒe Dɔdzikpɔlagã. c
Kpɔ nyati si nye “Yame Xɔ Dzo Ŋutɔ Le Dukɔ Geɖe Me Le Ƒe 2023 Ƒe Dzomeŋɔli.”
“Nuɖuɖu ave.”—Mateo 24:7.
“Ƒe 2023 nye ƒe si me ame siwo wɔa avu hafi kpɔa nuɖuɖu na woƒe ƒomewo la gatsi dzi le vevie.” d
Kpɔ nyati si nye “Aʋawɔwɔ Kple Yame Ƒe Nɔnɔme Si Le Gbegblẽm Na Nuɖuɖu Le Vevem Le Xexea Me Godoo.”
“Ɣeyiɣi sesẽ siwo me nɔnɔ asesẽ.”—2 Timoteo 3:1.
“Le xexea me godoo la, ame ɖeka le enyi me le susumedɔ aɖe lém.” e
Kpɔ nyati si nye “Susumedɔ Va Le Fu Ðem Na Sɔhɛ Geɖewo.”
Nu kawoe míakpɔ mɔ na le ƒe 2024 me?
Ame aɖeke menya nu si tututu adzɔ le ƒe 2024 me o. Gake nu siwo le dzɔdzɔm le xexea me ɖee fia be madidi o Mawu Fiaɖuƒea, si nye dziƒodziɖuɖu, axɔ ɖe amegbetɔwo ƒe dziɖuɖuwo teƒe. Dziɖuɖu sia aɖe nu siwo katã nana amegbetɔwo kpea fu eye wotsia dzimaɖi la ɖa.—Daniel 2:44; Nyaɖeɖefia 21:4.
Gake fifia la, ne nane wɔe be míetsi dzimaɖi la, míate ŋu aɖo ŋu ɖe Mawu ŋu be wòakpe ɖe mía ŋu. Biblia gblɔ be:
“Ne vɔvɔ̃ ɖom la, meɖoa dzi ɖe ŋuwò.”—Psalmo 56:3.
Aleke nàte ŋu aɖee afia be yeɖoa ŋu ɖe Mawu ŋu? Míede dzi ƒo na wò be nàsrɔ̃ nu geɖe ku ɖe ŋugbe siwo Biblia do be woava ɖe fukpekpewo ɖa le etsɔmea ŋu. Te míaƒe Biblia sɔsrɔ̃ femaxee ƒe ɖoɖoa kpɔ be nàde dzesi ale si Biblia ƒe ŋugbedodowo ate ŋu aɖe vi na wò kple wò ƒomea.
a Foreign Affairs, “A World at War: What Is Behind the Global Explosion of Violent Conflict?” si Emma Beals Kple Peter Salisbury ta le October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Ɖewohĩ Esia Hã Adzɔ Dzi Na Wò
BIBLIA ƑE NUFIAFIA VEVIWO
Nu Kae Nye Mawu Fiaɖuƒe La?
Yesu fia nu amewo tso Mawu Fiaɖuƒea ŋu wu nu bubu ɖe sia ɖe le eƒe subɔsubɔdɔa wɔɣi. Ƒe alafa geɖee nye esia eyomedzelawo le gbe dom ɖa be Fiaɖuƒe ma nava.
NYƆ!
Ale Si Nàwɔ Anɔ Te Ðe Nuteɖeamedzi Nu
Àkpɔ mɔfiame ŋutɔŋutɔ siwo ate ŋu akpe ɖe ŋuwò be nànɔ te ɖe nuteɖeamedzi nu nyuie wu eye be nàɖe edzi akpɔtɔ gɔ̃ hã.
MÍA ŊU NYAWO
Bia Be Ame Aɖe Nava Srã Ye Kpɔ
Dzro Biblia me biabia aɖe me, alo srɔ̃ nu geɖe tso Yehowa Ðasefowo ŋu.
